महावितरणच्या पोलची तोडफोड करुन

लोकमत न्यूज नेटवर्क :

बार्शी : बार्शी तालुक्यातील आगळगाव परिसरात महावितरणच्या पाठक डीपी जवळील उभ्या असलेल्या एल.टी.लाईनच्या १६ सिमेंटच्या पोलची तोडफोड ४० हजाराचे नुकसान केले. यात ६६ हजाराच्या ॲल्युमिनियमच्या तारा चोरून नेल्या. या प्रकरणी गुन्हा नोंदला आहे. ही घटना १० सप्टेंबर रोजी रात्री दहाच्या सुमारास घडली.

याबाबतची माहिती गोळा करून आगळगाव शाखेतील प्रधान तंत्रज्ञ अनंत मोहिते यांनी दोन दिवसांनी तालुका पोलिसात तक्रार दिली आहे.

अधिक माहिती अशी की, या भागातील कामावर दहा कामगार देखरेखीचे काम करत असून, त्याच्यापैकी सूरज मुंढे हा कळंबवाडी येथून आगळगावकडे जाताना पोल पडलेले दिसले. त्यावरील ताराही दिसल्या नाहीत. त्यामुळे त्यांनी ही माहिती फिर्यादीला कळवताच वरिष्ठ अधिकारी महेश झिंगाडे यांच्यासमवेत येऊन पाहणी केली. या डीपीवरुन नागनाथ उकिरडे यांच्या शेताकडे जाणाऱ्या एल. टी. लाईनच्या आठ गाळ्यातील तारा व तुकाराम आगळे, प्रकाश डमरे यांच्या शेताकडे जाणाऱ्या १४ गाळ्यावरील तारा दिसल्या नाहीत. तर १६ सिमेंट पोलही खाली पाडून त्यावरील ६६ हजाराच्या तारा चोरीस गेल्याची खात्री झाल्याने तक्रार दिली आहे.

----