Breaking; विनापालक तीन मुलं रेल्वेतून आली; पोलीसांनी पाखर संकुलात दाखल केली

सोलापूर लोकमत ब्रेकिंग

सोलापूर - जेमतेम सहा वर्षाची तीन भावंडे भुवनेश्वर-मुंबई कोणार्क एक्सप्रेसमधून विनापालक जात असताना आढळून आली. या घटनेची माहिती मिळताच लोहमार्ग पोलिसांनी त्या तीन भावंडांना ताब्यात घेतले. त्यानंतर रेल्वे चाईल्ड लाइन सोलापूर यांना याबाबतची माहिती मिळाल्यानंतर चाईल्ड लाईनने त्या तीन भावंडांना बालकल्याण समितीसमोर हजर केले. 

मनी विकास चव्हाण, बारीश विकास चव्हाण व सिंघम विकास चव्हाण अशी ताब्यात घेण्यात आलेल्या तीन बालकांची नावे आहेत.  दरम्यान, सोलापूर लोहमार्ग पोलिस ठाणे व रेल्वे चाईल्ड लाईन सोलापूर यांच्यामाफर्त त्यातील दोन बालकांना बालकल्याण समितीच्या आदेशाने पाखर संकुल बालगृह, सोलापूर येथे दाखल केले. ही बालके ज्यांची असतील त्यांनी ओळख पटवून तसेच बालकांसंबंधीचे कागदपत्रे व फोटोसहीत खुणा पटवून बालके ताब्यात घ्यावे असे आवाहन पाखर संकुलाच्यावतीने करण्यात आले आहे. किंवा या बालकांच्या पालकांविषयी काही माहिती असल्यास संबंधितांनी पाखर संकुल, दक्षिण कसबा, श्री. शुभराय महाराज मठ, सोलापूर (०२१७-२३२१४६६) येथे संपर्क साधावा असे आवाहनही केले आहे.