Breaking; सोलापूर-पुणे महामार्गावर ट्रकने कारला उडविले; पंढरपूर तालुक्यातील दोघांचा मृत्यू

सोलापूर लोकमत ब्रेकिंग

पंक्चर काढण्यासाठी थांबलेल्या कारला मालट्रकने दिलेल्या धडकेत दोघे ठार

बाळे येथील घटना : फौजदार चावडी पोलिस ठाण्यात गुन्हा दाखल

सोलापूर : सोलापूरहुनपंढरपूरकडे जात असताना शिवाजीनगर बाळे येथे पंक्चर काढण्यासाठी रस्त्याच्या कडेला थांबलेल्या कारला मालट्रकने दिलेल्या धडकेत दोघे ठार झाले. ही घटना रविवारी रात्री 10:40 वाजण्याच्या सुमारास घडली.

  सारंग प्रकाश रणदिवे (वय 30), संजय विठोबा अभंगे (वय 30 दोघे रा.तुंगत ता. पंढरपूर) असे ठार झालेल्या दोघा काल चालकांची नावे आहेत. दोघे कामानिमित्त रविवारी सोलापुरात आले होते. काम झाल्यानंतर ते रात्री पंढरपूरच्या दिशेने निघाले होते. दरम्यान त्यांच्या कार (क्र.एमएच 13/ एझेड-7234) चे तयार पंमचर झाले. पंमचर झाल्यामुळे दोघे शिवाजी नगर बाळे येथील एका हॉटेल जवळ असलेल्या पंमचर दुकानासमोर थांबले.

पंक्चर काढत असताना पुण्याच्या दिशेने येणाऱ्या मालट्रक (क्रं.सीजी04/ एमपी-1457) ने जोरात धडक दिली. धडकेत कार जवळ थांबलेले सारंग रणदिवे व संजय अभंगे हे दोघे गंभीर जखमी झाले. दोघांना उपचारासाठी शासकीय रुग्णालयात दाखल केले असता त्यांचा मृत्यू झाल्याचे सांगण्यात आले. याप्रकरणी मालट्रक चालकाविरुद्ध गुन्हा दाखल करण्याचे काम सुरू आहे.