रात्रीत गोठ्यातून म्हशी पळविल्या

सांगोला : गोठ्यात बांधलेल्या ९० हजारांच्या दोन म्हशी चोरट्यांनी पळविल्या. ही घटना रविवार, १२ सप्टेंबर रोजी चिकमहूद (ता. सांगोला) येथे घडली.

याबाबत शेतकरी भीमराव यशवंत गोडसे यांनी फिर्याद दिली आहे. चिकमहूद येथील भीमराव गोडसे हे कुटुंबासह शेतात राहतात. त्यांच्याकडे दोन म्हशी व एक संकरित गाय आहे. रविवार, १२ सप्टेंबर रोजी भीमराव गोडसे हे कुटुंबासह जेवण आटोपून जनावरे गोठ्यात बांधून घरामध्ये झोपी गेले. मध्यरात्री एकच्या सुमारास ते शेतात दारे धरण्यासाठी उठले असता त्यांना गोठ्यात बांधलेल्या दोन्ही म्हशी आढळून आल्या नाहीत. त्यांनी मुलगा हर्षवर्धन, मित्र राजू चव्हाण असे तिघांनी म्हशींचा अकलूज येथील जनावरांच्या बाजारात शोध घेतला असता त्या मिळून आल्या नाहीत.