टिपर व पोकलेनमधून डिझेल चोरी करणाऱ्या दोघांना पकडले

याबाबत अक्षय दशरथ चव्हाण (वय २४, चालक, सावडी, ता. करमाळा) यांनी दिलेल्या फिर्यादीत म्हटले आहे की, बार्शी ते उस्मानाबाद नारीवाडी शिवारात काम सुरू असून, दिवसभर काम अन् रात्री सिद्धाराम म्हेत्रे मतिमंद शाळा येथील मैदानात वाहने मी व पोकलेन ड्रायव्हर अब्दुल नौशाद शेख असे दोघेजण ६ जुलै रोजी रात्री दहा वाजता झोपलो असता पहाटे साडेतीन वाजण्याच्या सुमारास अनोळखी व्यक्तीने धरून मारहाण करून टिपरमधील व शेजारी उभा असलेल्या पोकलेन मशीनमधील डिझेल अंदाजे दीडशे लिटर चोरी केली. शिवाय एक मोबाईल दहा हजार रुपये व डिझेलची किंमत अंदाजे १४ हजार चारशे रुपये असा एकूण २४ हजार चारशे रुपये किमतीचा मुद्देमाल लंपास केला.

पांगरी पोलीस स्टेशनचे सहायक पोलीस निरीक्षक सुधीर तोरडमल यांना झालेल्या प्रकाराची फोनद्वारे माहिती कळवली. तेव्हा नारीवाडी ते नारी गावातील नागरिकांनी हा टेम्पो अडविला असता त्याची विचारपूस करीत असताना पाच व्यक्ती उडवाउडवीची उत्तरे देत होती. त्यावेळेस पोलीस गाडी आलेली पाहून टेम्पो तेथेच सोडून चोरट्यांनी पळ काढला. यावेळी पोलीस उपअधीक्षक अभिजित धाराशिवकर यांनी घटनास्थळाला भेट देऊन तपासाबाबत काही सूचना दिल्या.

यावेळी पोलीस निरीक्षक सुधीर तोरडमल, पोलीस हेडकॉन्स्टेबल शैलेश चौगुले, पांडुरंग मुंढे, सुनील बोधनवाड, विनोद बांगर, मनोज जाधव, सुनील शिंदे व सुळे नारी व नारी वाडीतील नागरिकांनी ही कामगिरी केली. पुढील तपास सपोनि सुधीर तोरडमल करीत आहेत.

---