कोरोना मृत्यूंच्या आकडेवारीत गोलमाल

उत्तर सोलापूर तालुक्यात ४० गावे असली तरी ११ गावात कोरोनामुळे एकही मृत्यू झाला नसल्याची आरोग्य खात्याची आकडेवारी सांगतेय. उर्वरित २९ पैकी १७ गावांची आरोग्य खाते, आरोग्य सेविका व गावपातळीवरुन घेतलेल्या आकडेवारीत मोठी तफावत असल्याचे दिसत आहे.

आरोग्य खात्याकडील नोंदीनुसार या १७ गावात कोरोना सुरुवात झाल्यापासून

७९ व्यक्ती मयत झाल्या आहेत. तर गावपातळीवर सरपंच व गावकऱ्यांकडून घेतलेल्या आकडेवारीनुसार १४० व्यक्तींचा कोरोनामुळे मृत्यू झाला आहे. म्हणजे कोरोनामुळे दगावलेल्या ६१ व्यक्तींची नोंदच आरोग्य खात्याकडे नाही.

----

कौठाळीत आरोग्य खात्याकडे ४ तर आरोग्य सेविकेकडे १० मृत्यूची नोंद आहे. ग्रामस्थांच्या मते १७ मृत्यू झाले. मार्डीत १३ दगावल्याचे सांगतात मात्र ९ ची नोंद आहे.

- बीबीदारफळमधील आरोग्य खात्याकडे १६ ची नोंद असली तरी आरोग्य उपकेंद्रात ३१ ची नोंद आहे. रानमसलेची आरोग्य विभागाकडे ६ ची, आरोग्य सेविकेकडे १२ ची नोंद तर गावकऱ्यांच्या मते १५ व्यक्ती कोरोनामुळे मृत झाल्या.

- कळमणमध्ये ७ व्यक्तींचा मृत्यू झाला असला तरी दफ्तरी ३ ची नोंद आहे. भागाईवाडीत गावकरी व आरोग्य सेविकेकडे दोघांच्या मृत्यूची नोंद असली तरी आरोग्य खात्याकडे शून्य नोंदला आहे. अकोलेकाटी, पडसाळी, कारंबा, पाथरी व हगलुरमध्ये कोरोनामुळे मृत्यू झालेला प्रत्येकी एक तर गुळवंची व कोंडीत प्रत्येकी दोन

व्यक्ती कमी नोंदला आहे. कवठे येथे १४ व्यक्ती कोरोनामुळे मृत झाल्याचे गावकरी सांगतात मात्र आरोग्य विभागाकडे ५ इतकी नोंद आहे.

----

एकही मृत्यू झाला नाही

उत्तर सोलापूर तालुक्यातील साखरेवाडी, भागाईवाडी, शेरेवाडी, तेलगाव, समशापूर, राळेरास, नरोटेवाडी, होनसळ, सेवालालनगर, एकरुख, तरटगाव या गावात कोरोणाचा एकही बळी गेला नसल्याची आरोग्य खात्याची नोंद आहे.

---

लसीकरण व टेस्टिंगमध्ये अडकल्याने मृत्यूच्या नोंदीकडे लक्ष देता आले नाही. आढावा घेऊन व खात्री करुन आकडेवारी देतो.

- श्रीकांत कुलकर्णी

तालुका वैद्यकीय अधिकारी

----