काँग्रेसचे प्रदेशाध्यक्ष नाना पटोले सोलापूर दौऱ्यावर; जाणून घ्या सविस्तर दौरा

विविध विकासकामांचे भूमिपूजन आणि कार्यकर्त्यांची बैठक हाेणार आहे. काॅंग्रेसचे बडे नेते रविवारी साेलापुरात आहेत.

काँग्रेसचे प्रदेशाध्यक्ष नाना पटोले हे रविवार २१ मे रोजी सोलापूर दौऱ्यावर येणार आहेत. या दाैऱ्यात विविध विकासकामांचे भूमिपूजन आणि कार्यकर्त्यांची बैठक हाेणार आहे. काॅंग्रेसचे बडे नेते रविवारी साेलापुरात आहेत. या दाैऱ्यात भाजप, राष्ट्रवादी काॅंग्रेसचे कार्यकर्ते काॅंग्रेसमध्ये प्रवेश करतील असे सांगण्यात आले हाेते. प्रदेशाध्यक्ष नाना पटाेले यांचा रविवारचा दाैरा निश्चित झाला आहे. 

असा आहे नाना पटोले यांचा दौरा

२१ मे २०२३ रोजी सकाळी ९.३० वाजता - मुंबई येथून विमानाने सोलापूरकडे प्रयाण. सकाळी ११ वाजता - सोलापूर विमानतळ येथे आगमन. सकाळी ११.३० वाजता - आमदार प्रणिती शिंदे यांच्या विशेष निधीमधून बांधण्यात आलेल्या एमपीएससी, युपीएससी स्पर्धा परीक्षा अभ्यास केंद्राचे उदघाटन कार्यक्रमास उपस्थिती, दुपारी १२ वाजता - आमदार प्रणिती शिंदे यांच्या विशेष निधीमधून शुभराय आर्ट गॅलरीचे नुतनीकरण इमारतीचे भूमिपूजन समारंभ, दुपारी १२.३० वाजता - हुतात्मा स्मृती मंदिरात काँग्रेस कार्यकर्ता मेळावा. दुपारी १.३० वाजता - माजी केंद्रीय गृहमंत्री सुशीलकुमार शिंदे यांच्या जनवात्सल्य निवासस्थानी आगमन व राखीव. सायंकाळी ५ वाजता - सोलापूर येथून उमरगा (जि. धाराशिव) कडे प्रयाण. सायंकाळी ५.४५ वाजता - उमरगा येथे महाराष्ट्र प्रदेश कमिटीचे कार्याध्यक्ष बसवराज पाटील यांच्या मुलाच्या लग्न सोहळ्यास उपस्थिती.