सोलापूर जिल्ह्यातील १३७ गावे कोरोनाचा हॉट स्पॉट; कडक उपाययोजनांसाठी प्रशासन अलर्ट

कडक उपाययोजना : सरपंच, ग्रामसेवकांवर दिली जबाबदारी

सोलापूर : ग्रामीण भागातील कोरोनाचा संसर्ग कमी होत नसल्याचे दिसून आल्यावर, जिल्हा परिषदेचे मुख्य कार्यकारी अधिकारी दिलीप स्वामी यांनी जादा रुग्ण आढळलेल्या १३७ हॉट स्पॉट गावांची यादी तयार केली असून, कोरोनाला हद्दपार करण्यासाठी सरपंच व ग्रामसेवकांवर कडक उपाययोजना करण्याची जबाबदारी दिली आहे.

सोलापुरातील संसर्ग कमी झाला आहे. तरीही ग्रामीण भागातील संसर्ग कायम राहिल्याने सोलापूर जिल्हा रेड झोनमध्येच राहिला आहे. त्यामुळे ग्रामीण भागातील कोरोनाचे संक्रमण रोखण्यासाठी सीईओ स्वामी यांनी उपाययोजना आणखीन कडक केल्या आहेत. आरोग्य विभागाकडून १ मार्च ते २० मे या काळात संसर्ग असलेल्या गावांची यादी मागवून घेतली आहे. यामध्ये महामार्गालगत व शहराजवळ असलेली गावे मोठ्या प्रमाणावर बाधित असल्याचे आढळले आहे. कामानिमित अशा गावांतील लोक सतत स्थलांतर करीत असल्याने संसर्ग कायम राहिल्याचे दिसून आले आहे. त्यामुळे अशा लोकांवर लक्ष ठेवण्यासाठी सरपंच, ग्रामसेवक व तलाठी यांच्या नेतृत्वाखाली दक्षता समिती गठित करण्यात आली आहे. ही समिती २५,५० व १०० रुग्णसंख्या असलेल्या गावांची माहिती संकलित करून रुग्णसंख्येवर लक्ष ठेवणार आहे.

अशा होणार उपाययोजना...

जिल्ह्यातील १ हजार १३७ गावांपैकी १३७ गावांमध्ये १०० पेक्षा जास्त रुग्ण ॲक्टिव्ह आहेत. अक्कलकोट तालुक्यात समर्थनगर व कडबगाव या दोनच गावात जादा रुग्ण आहेत. सतत रुग्ण आढळणाऱ्या गावांतील सर्वांची चाचणी करून पॉझिटिव्ह व संपर्कातील व्यक्तींना अलगीकरण करण्यात येत आहे. तसेच कोरोना उपाययोजनेबाबत जनजागृती करण्यात येत आहे. गावात शून्य रुग्ण होण्यासाठी घरोघरी जाऊन तपासणी करण्यावर भर देण्यात आला आहे.

अशी आहेत हॉट स्पॉट गावे...

• उत्तर सोलापूर : बीबीदारफळ (रुग्ण : २१९), नान्नज (१९४), वडाळा (२४५), कळमण (१०८), रानमसले (९५), पाकणी (१३१), कोंडी (१४६), मार्डी (१८६), हिप्परगा (१०१), तिऱ्हे (१०२).
• माळशिरस : यशवंतनगर (४६०), माळशिरस शहर (७०४), माळीनगर (२६३), मळेवाडी (२३१), शिंदेवाडी (१०६), निमगाव (१९२), संग्रामनगर (२२६), सदाशिवनगर (१५९), वेळापूर (६३९), नातेपुते (५६२), अकलूज (१४२९), गुरसाळे (१७३), मांडवे (२२७), म्हाळुंग (३२६), लवंग (१७४), श्रीपूर (२५३), धर्मपुरी (१९२), फोंडशिरस (१५५), दहिगाव (४५६), खंडाळी (१९२), संगम (१०१), चाकोरे (१४५), पिंपरी (२३१), पिलीव (१७५), पानीव (१०८), तांदुळवाडी (१४६), मळोली (१०९), मोरोची (२१०), जांबूड (१००), पिसेवाडी (१११), इस्लामपूर (१२५), कारुंडे (१८८).
• दक्षिण सोलापूर : मंद्रुप (१५२), होटगी (१५७).
• मंगळवेढा : मारापूर (११४), पाठकळ (१३३), भोसे (२२६), बोराळे (१९४), दामाजीनगर (२७३), मरवडे (२८१).
• करमाळा : देवळली (१०१), वीट (२४८), करमाळा शहर (५६६)
• बार्शी : वैराग (२६९), पांगरी (१४७), गौडगाव (१३५), बावी (१०९).
• मोहोळ : आष्टी (१९५), पेनूर (१७३), खंडाळी (१०३), शेटफळ (१०२), अनगर (१०१), मोहोळ शहर (४४८).
• माढा : दारफळ (१११), भोसरे (१७५), मानेगाव (१११), निमगाव (१०९), उपळाई बु. (१०७), उपळाई खु. (१२४), मोडनिंब (३४५), बैरागवाडी (१२७), तुळशी (१८९), अरण (१७९), भुताष्टे (११७), परीते (१६२), वरवडे (१०५), पिंपळनेर (१६०), निमगाव टे (१०३), कुर्डू (२२०), टेंभुर्णी (८५५), अकोले खु. (१४५), कन्हेरगाव (१०७), रांझणी (१०९), माढा शहर (२३८).
• सांगोला : वाटंबरे (१६७), सांगोला शहर (९१७), य मंगेवाडी (१३६), कडलास (१०७), महुद (१०७), जवळा (१०५).
• पंढरपूर : गादेगाव (४७७), उपरी (२०७), कोर्टी (२८३), वाखरी (७१३), तिसंगी (१३१), सोनके (१४७), खेड भाळवणी (१५०), कौठाळी (२७७), शहर (९५६), चळे (१९८), गोपाळपूर (४०७), मुंढेवाडी (१३९), तावशी (१९८), एकलासपूर (१२४), सिद्धेवाडी (१०२), खर्डी (२७८), टाकळी (७३४), बोहाळी (१८३), शेटफळ (१५५), तनाळी (१०३), मगरवाडी (१११), तुंगत (२५५), तारापूर (१२३), सुस्ते (३३५), शेगावदुमाला (१९५), अजनसोड (१२३), देगाव (४१४), रोपळे (२३३), आढीव (१४६), गुरसाळे (२८१), होळे (१२०), खेडभोसे (१५९), भोसे (४९९), मेंढापूर (११५), पांढरेवाडी (१०१), भानवळी (४६७), जैनवाडी (११२), पळसी (११८), पिराची कुरोली (११२), भंडीशेगाव (२६९), शेळवे (१८६), राझनी (१३४), ओझेवाडी (१७९), सरकोली (२१९), आंबे (१६३), फुलचिंचोळी (१६८), करकंब (७३६).