डॉटर्स मॉम फाउंडेशनतर्फे कोविड योद्धा यांचा सन्मान

अकलूज : मनात भीती न बाळगता कोरोना काळात अनेक महिला डॉक्टर, परिचारिकांसह आरोग्य क्षेत्रातील अनेक मान्यवरांनी कोरोनाग्रस्तांची सेवा केली. त्यांचे योगदान पाहाता डाॅटर्स माॅम फाउंडेशनने सामाजिक बांधिलकी जोपासत कोरोना योद्धा यांना सन्मानित केले.

यावेळी डाॅटर्स माॅम फाउंडेशनच्या अध्यक्षा शीतलदेवी मोहिते पाटील यांची प्रमुख उपस्थिती होती. यावेळी शीतलदेवी मोहिते पाटील यांंनी कोविड योद्धा यांचा गौरव केला. त्या म्हणाल्या,महिला डाॅक्टर्स,नर्स,आरोग्य सेविका,आशा वर्कर्स व आरोग्य कामगार यांनी कोरोनासारख्या जीव घेणाऱ्या व्हायरस विरोधात ठामपणे रुग्ण सेवा करण्याचे काम केले. शिवरत्न व डाॅटर्स माॅम फाउंडेशनने नेहमीच कर्तव्यदक्ष महिलांना प्रोत्साहन देऊन त्यांचे मनोबल वाढविले आहे. त्याचाच भाग म्हणून कोविड योध्दा यांचा सन्मान करीत असल्याचे सांगितले.

----

फोटो : १६ अकलूज

कोरोना रुग्णांची सेवा केलेल्या महिला डॉक्टर, परिचारिकांचा डॉटर्स मॉम फाउंडेशनच्या वतीने गौरव करण्यात आला. यावेळी मार्गदर्शन करताना शीतलदेवी मोहिते पाटील.