मोटरसायकल अपघातात ठाणे अंमलदाराचा मृत्यू

सोलापूर : मोबाईलवर बोलत निघालेल्या मोटर सायकलस्वाराने धडक दिल्याने फौजदार चावडी पोलीस ठाण्याचे ठाणे अंमलदार शिवाजी महादेव सोलवनकर गंभीर जखमी होऊन शुक्रवारी पहाटे मरण पावले.

 

सोलापूर : मोबाईलवर बोलत निघालेल्या मोटर सायकलस्वाराने धडक दिल्याने फौजदार चावडी पोलीस ठाण्याचे ठाणे अंमलदार शिवाजी महादेव सोलवनकर (वय ५२, रा. किल्ला पोलीस लाईन, सोलापूर) हे गंभीर जखमी होऊन शुक्रवारी पहाटे मरण पावले. सहायक फौजदार सोलवनकर हे १९ मे रोजी दुपारी मुलाच्या मोटरसायकलवरून खासगी कामासाठी सिद्धेश्वर मंदिर ते होम मैदान या रस्त्याने निघाले होते. मैदानाच्या उतारावर समोरून मोबाईलवर बोलत वेगाने आलेल्या मोटरसायकलस्वाराने त्यांना धडक दिली. त्याच्या मोटरसायकलचे हँडल सोलवनकर यांच्या मोटरसायकलीत अडकल्याने ते डोक्यावर खाली पडले. यात डोक्याला गंभीर इजा झाल्याने त्यांना उपचारासाठी अश्विनी रुग्णालयात दाखल करण्यात आले. उपचार सुरू असताना ते आज मरण पावले. त्यांच्या पश्चात पत्नी, एक मुलगा, एक मुलगी असा परिवार आहे. फौजदार चावडी पोलीस ठाण्यात संबंधित मोटरसायकलस्वाराविरुद्ध गुन्हा दाखल करण्यात आला आहे.