हक्क मिळेपर्यंत साखळी उपोषण सुरू ठेवण्याचा निश्चय

अकलूज-माळेवाडी ग्रामपंचायतीचे नगर परिषदेत, तर नातेपुते ग्रामपंचायतीचे नगरपंचायतीत रूपांतराचा निर्णय राज्य शासन घेत नसल्यामुळे तिन्ही गावांच्या नागरिकांनी आपल्या हक्काच्या मागणीसाठी २२ जूनपासून अकलूज प्रांताधिकारी कार्यालयासमोर साखळी उपोषणाला प्रारंभ केला. गेली २९ दिवस साखळी उपोषण सुरू आहे. या उपोषणात अकलूज, माळेवाडी व नातेपुते ग्रामस्थांसह विविध व्यापारी संघटना, सार्वजनिक गणेश, नवरात्र मंडळे, सामाजिक संघटना दररोज सहभागी होत आहेत.

आज भाजप युवा आघाडी शहराध्यक्ष दिग्विजय माने-पाटील, ग्रा.पं. सदस्य किशोर राऊत, माजी सदस्य प्रल्हाद नवगण, लालासाहेब अडगळे, सतीश व्होरा, हमीद मुलाणी, महादेव राजगुरू, अशोक राजगुरू, राजेंद्र माने, रोटरी क्लबचे नितीन कुदळे, गजानन जवंजाळ, नवनाथ नागणे, बबनराव शेंडगे, गुरुदेव वैद्य, योगेश व्होरा, केतन बोरावके, मकरंद जामदार, परीन व्होरा, पत्रकार संघटना, काझी गल्ली, गुरूनगर, शिवाजीचौक, दत्तमंदिर, राऊतनगर, जयशंकरनगर येथील नागरिक व महिला सहभागी झाले होते.

विरोधी पक्षनेते फडणवीस यांचे सहकार्याचे आश्वासन

मंगळवारी माजी मुख्यमंत्री व विधानसभेचे विरोधी पक्षनेते देवेंद्र फडणवीस यांची माजी उपमुख्यमंत्री विजयसिंह मोहिते-पाटील, आ. रणजितसिंह मोहिते-पाटील, भाजपाचे जिल्हा संघटक सरचिटणीस धैर्यशील मोहिते-पाटील, अकलूजचे उपसरपंच शिवतेजसिंह मोहिते-पाटील, नातेपुतेचे उपसरपंच अतुल पाटील, माळेवाडीचे सरपंच जालिंदर फुले, उपसरपंच अरुण खंडागळे, माजी उपसरपंच बाळासाहेब फुले यांच्या शिष्टमंडळाने भेट घेऊन प्रकरणाची सर्व माहिती दिली. यावेळी फडणवीस यांनीही सर्वतोपरी सहकार्य करण्याचे आश्वासन दिले आहे.

210721\img-20210721-wa0042.jpg

अकलुज येथील साखळी उपोषणाप्रसंगी निवेदन देताना उपोषण कर्ते