डॉक्टरांनो.. पाया पडतो कोरोना रुग्णांच्या उपचारासाठी पुढे या

या बैठकीस जिल्हा परिषद अध्यक्ष अनिरुद्ध कांबळे, माजी आमदार नारायण पाटील, रश्मी बागल, पंचायत समितीचे सभापती गहिनीनाथ ननवरे, अपर जिल्हाधिकारी संजीव जाधव, जिल्हा परिषदेचे अतिरिक्त मुख्य कार्यकारी अधिकारी अर्जुन गुंंडे, उपविभागीय अधिकारी ज्योती कदम, तहसीलदार समीर माने आदी उपस्थित होते.

पालकमंत्री भरणे म्हणाले, देशभर रेमडेसिवीर इंजेक्शन आणि ऑक्सिजनचा तुटवडा आहे. प्रत्येक नागरिकांनी ऑक्सिजनची स्थिती येईपर्यंत अंगावर आजार काढू नये. त्वरित तपासणी करून विलगीकरणात राहून उपचार घ्यावेत. येत्या दोन दिवसांत आणखी पाच ठिकाणी जिंती, कोर्टी, वरकुटे, जेऊर, शेलार हॉस्पिटल आणि लोकरे हॉस्पिटलमध्ये १०० ऑक्सिजन बेड करण्याचे प्रस्तावित आहे. येथे सर्व वैद्यकीय स्टाफ भरण्यात येणार आहे. शनिवारी १५ हजार लस उपलब्ध झाली आहे. लसीचे योग्य नियोजन करा, गर्दी होणार नाही, याची दक्षता घ्यावी. पोलिसांनी लॉकडाऊनची कडक अंमलबजावणी करावी, अशा सूचनाही भरणे यांनी दिल्या.

शिवसेनेचे उपजिल्हा प्रमुख महेश चिवटे, मनसेचे तालुकाध्यक्ष संजय घोलप, जि. प. सदस्य सवितादेवी राजेभोसले, बाजार समितीचे सभापती शिवाजीराव बंडगर, नगरसेवक अतुल फंड, प्रा. गोवर्धन चौरे यांनी ऑक्सिजन बेड, रेमडेसिविरचा पुरवठा सुरळीत करण्याची मागणी केली.

यावेळी जिल्हा आरोग्य अधिकारी डॉ. शीतलकुमार जाधव, जिल्हा शल्यचिकित्सक डॉ. प्रदीप ढेले, लसीकरण समन्वयक डॉ. अनिरुद्ध पिंपळे, गटविकास अधिकारी श्रीकांत खरात, मुख्याधिकारी वीणा पवार, सहायक निबंधक दिलीप तिजोरे, तालुका आरोग्य अधिकारी डॉ. सागर गायकवाड आदी उपस्थित होते.

---

खासगी रुग्णवाहिकेचे बिल सरकार देईल

येत्या आठवड्यात रेमडेसिविर, ऑक्सिजनचा पुरवठा सुरळीत होणार आहे. ऑक्सिजनचे योग्य नियोजन करा. प्रत्येक रुग्णाला रेमडेसिविर इंजेक्शन देणे गरजेचे नाही, हे रुग्णाला आणि जनतेला डॉक्टरांनी कल्पना द्यायला हवी. ज्याठिकाणी रुग्णवाहिका उपलब्ध होत नसेल तिथे खासगी रुग्णवाहिका घ्यावी. त्याचे भाडे, डिझेल सरकार देईल, असेही त्यांनी सांगितले.

२४करमाळा-बैठक

करमाळ्यातील आढावा बैठकीत बोलताना पालकमंत्री दत्तात्रय भरणे. समवेत जिल्हा परिषद अध्यक्ष अनिरुद्ध कांबळे, माजी आ. नारायण पाटील, रश्मी बागल.