मॉर्निंग वॉकला गेलेल्या वयोवृद्धाचा जागीच मृत्यू; उपरी येथील घटना

मद्यधुंद ऊस वाहतुक ट्रॅक्टर चालकाने घेतला एकाचा बळी

पंढरपूर - मद्यधुंद ऊस वाहतुक टॅक्टरचालकाने माॅर्निंग वाॅकला गेलेल्या इसमाला जोराची धडक दिल्याने वयोवृद्ध नागरिक जागीच ठार झाला. तुकाराम आत्माराम नागणे (वय ७५ रा .उपरी ता.पंढरपूर) असे मयताचे नाव आहे. ही घटना आज गुरुवारी सकाळी सहाच्या सुमारास पंढरपूर- सातारा रोडवर गावानजीक घडली.

सध्या पंढरपूर परिसरातील विविध कारखान्यातून ऊस गळीत हंगाम सुरु आहे. ऊस वाहतुक करणारे ट्रॅक्टर, ट्रक भरधाव वेगाने जात आहेत. यामध्ये बहुतांशी ट्रॅक्टर चालक मद्यप्रासन करून भरधाव वाहन चालवित असलेने निष्पाप नागरिकांना जीव गमवावा लागत आहे.