सोलापुरात २ फेब्रुवारीपासून इलेक्ट्रो २०१८ प्रदर्शन, खुशालचंद देढिया यांची माहिती,  सोलापूर इलेक्ट्रॉनिक्स डीलर्स असोसिएशनचे आयोजन 

सोलापूर इलेक्ट्रॉनिक्स डीलर्स असोसिएशनद्वारा इलेक्ट्रॉनिक्स, कॉम्प्युटर, टेलिकम्युनिकेशन व होम अ‍ॅप्लायन्सेस वस्तूंचे भव्य प्रदर्शन ‘इलेक्ट्रो २०१८’चे आयोजन केले आहे.

ठळक मुद्दे६ दिवस चालणाºया इलेक्ट्रो २०१८ या प्रदर्शनाचे हे १९ वे वर्षसेडातर्फे आयोजित केलेल्या इलेक्ट्रो २०१७ ला स्टॉलधारकांनी उत्स्फूर्त प्रतिसाद दिलास्टॉलचे बुकिंग ३०० पर्यंत पोहोचले असून जवळपास १.५ लाखांपेक्षा जास्त ग्राहक प्रदर्शनास भेट देतील

आॅनलाइन लोकमत सोलापूर
सोलापूर दि ३० : सोलापूर इलेक्ट्रॉनिक्स डीलर्स असोसिएशनद्वारा इलेक्ट्रॉनिक्स, कॉम्प्युटर, टेलिकम्युनिकेशन व होम अ‍ॅप्लायन्सेस वस्तूंचे भव्य प्रदर्शन ‘इलेक्ट्रो २०१८’चे आयोजन केले आहे. २ ते ७ फेब्रुवारी या कालावधीत सोलापूरच्या मध्यवर्ती ठिकाणी असलेल्या हरिभाई प्रशालेच्या मैदानावर हे प्रदर्शन आयोजित केल्याची माहिती सेडाचे अध्यक्ष खुशालचंद देढिया यांनी पत्रकार परिषदेत दिली.
यंदा सॅमसंग मोबाईल हे मुख्य प्रायोजक असून चेफ प्रो होम अप्लायन्सेस, सुपर सेक्युर, एस. एस. कम्युनिकेशन व अग्रवाल्स श्री विद्या अ‍ॅकेडमी हे सहप्रायोजक आहेत. प्रदर्शनाचे उद्घाटन शुक्रवारी २ फेब्रुवारी रोजी सायंकाळी ५ वाजता आकाश बारबारिया नॅशनल हेड, एच. डी. बी. फायनान्सियल सर्व्हिस लि. व सॅमसंगचे गोविंद उत्तमचंदनानी यांच्या हस्ते होणार असल्याचे इलेक्ट्रोचे चेअरमन जितेंद्र राठी यांनी सांगितले.
६ दिवस चालणाºया इलेक्ट्रो २०१८ या प्रदर्शनाचे हे १९ वे वर्ष असून दररोज दुपारी ४ ते रात्री ९.३० व रविवारी सकाळी ११ ते रात्री ९.३० पर्यंत चालणाºया या प्रदर्शनात राष्टÑीय व आंतरराष्टÑीय कंपन्यांचा सहभाग असून एलसीडी, एलईडी, कलर टीव्ही, फ्रीज, साईड बाय साईड फ्रीज, एअर कंडिशनर, म्युझिक सिस्टीम, गॅस गीझर, मोबाईल, आय पॅड, टेलिफोन, हेल्थ इक्विपमेंट, मिक्सर, फूड प्रोसेसर, आटा चक्की, एअर कुलर, वॉटर प्युरिफायर, स्टॅबिलायझर, कॉम्प्युटर, कॉम्प्युटरला लागणारी उपकरणे आदी उपलब्ध असतात. ग्राहकांना विविध नमुन्यात व विविध रंगात आकर्षक किमतीत निरनिराळ्या योजनांखाली वस्तू खरेदी करता येतात. तसेच बजाज फायनान्स, एचडीबी व एचडीएफसी फायनान्सच्या माध्यमातून शून्य टक्के व्याज दराने कर्जाची उपलब्धता केली जाते.
सेडातर्फे आयोजित केलेल्या इलेक्ट्रो २०१७ ला स्टॉलधारकांनी उत्स्फूर्त प्रतिसाद दिला होता. यावर्षी स्टॉलचे बुकिंग ३०० पर्यंत पोहोचले असून जवळपास १.५ लाखांपेक्षा जास्त ग्राहक प्रदर्शनास भेट देतील. या प्रदर्शनात ठिकठिकाणी ग्राहकांना बसण्याची सोय तसेच शुद्ध पिण्याच्या पाण्याची सोय केली आहे. दररोज लकी ड्रॉ व शेवटच्या दिवशी बंपर ड्रॉद्वारे भेट देणाºया ग्राहकांना विविध आकर्षक बक्षिसे दिली जातात. सर्व स्टॉलमध्ये जवळपास ४०० एम. बी. ए. च्या विद्यार्थ्यांना कंपनीकडून ट्रेनिंग देऊन ग्राहकांना माहिती देण्यात येणार आहे. प्रदर्शनाच्या संयोजनासाठी सेडाद्वारे विशेष समिती कार्यरत आहे. 
पत्रकार परिषदेस इलेक्ट्रोचे उपाध्यक्ष ईश्वर मालू, सचिव सूरजरतन धूत, आनंद येमूल, खजिनदार भूषण भुतडा, संचालक सुयोग कालाणी, विजय गोसकी, आनंद मनवाणी, केतन शाह, आनंदराज दोशी, दीपक मुनोत, शिवप्रकाश चव्हाण, बिपीन कुलकर्णी, कौशिक शाह आदी उपस्थित होते.
------------------
धूळमुक्तीसाठी मॅटिंगची सोय
यंदाचे प्रदर्शन वैविध्यपूर्ण असून स्टॉलधारक आणि प्रेक्षकांसाठी विविध सोयी उपलब्ध करण्यात येणर असून यामध्ये विविध प्रकारचे कारंजे, धबधबे, खवय्यांसाठी फूड कोर्ट आदी सोयी असणार आहेत. धूळमुक्तीसाठी संपूर्ण मैदानावर मॅटिंगची सोय केली आहे. दिव्यांग व्यक्तींनाही प्रदर्शन अनुभवता येणार आहे. त्यासाठी व्हील चेअरची सोय केली आहे. प्रेक्षक आणि स्टॉलधारक यांच्या सुरक्षिततेसाठी फायर ब्रिगेड तसेच सिक्युरिटी गाडर््सही नेमले आहेत. सेडातर्फे प्रदर्शनादरम्यान दररोज रक्तदानाचा उपक्रम घेतला जाणार आहे. संपूर्ण प्रदर्शन जास्तीत जास्त डिजिटल कसे होईल, यावर कटाक्ष असल्याचे सांगण्यात आले.
--------------
सामाजिक संस्थांना चार स्टॉल मोफत
सेडातर्फे अनेक सामाजिक उपक्रम राबवले जातात. त्यात सेडाच्या सभासदांच्या कर्मचाºयांसाठी शैक्षणिक व आर्थिक मदतही करण्यात येते. कर्मचारी प्रशिक्षणासह व्यवसाय वृद्धीसाठी कार्यशाळेचे आयोजन केले जाते. या प्रदर्शनातही ४ स्टॉल सामाजिक संस्थांसाठी उपलब्ध करून देण्यात येणार आहेत. इच्छुक संस्थांनी संपर्क साधण्याचे आवाहन केले आहे.