वाहनात घरगुती गॅस भरला म्हणून दोघांविरुद्ध गुन्हा दाखल

भीमशक्ती चौका (पंढरपूर) येथे वाहनांत अवैधीत्या गॅस भरून देत असल्याची माहिती सपोनि. एम.एन. जगदाळे व उपपोनि. प्रशांत भागवत यांना मिळाली. त्यानुसार त्यांनी पोलीस कर्मचारी नीलेश कांबळे, ज्ञानेश्वर वगरे, होमगार्ड नदाफ या कर्मचाऱ्यांसह संबंधित ठिकाणी धाड टाकली. तेथे उपविभागीय पोलीस अधिकारी विक्रम कदम व पोनि. अरुण पवार यांनी भेट दिली. यावेळी भीमशक्ती चौकात दोन ठिकाणी अवैधरीत्या घरगुती गॅस व्यावसायिक सिलिंडर व खाजगी वाहनात भरून देत असल्याचे निदर्शनास आले. १५ गॅस सिलिंडर, ३ रिफिलिंग मोटकरी, २ इलेक्ट्रॉनिक वजन काटे, असा मुद्देमाल जप्त केला. याप्रकरणी रविकिरण आदिनाथ देवमारे (वय ३१, रा. संतपेठ, पंढरपूर) व योगिराज विष्णू फुलारे (वय ३८, रा. संतपेठ, पंढरपूर) यांच्या विरुद्ध गुन्हा दाखल करण्यात आला आहे.

फोटो ::::::::::::

घरगुती गॅस अवैधरीत्या खाजगी वाहनांत भरून देणाऱ्या दोघांना ताब्यात घेताना सपोनि. एम.एन. जगदाळे व उपपोनि. प्रशांत भागवत, पोलीस कर्मचारी नीलेश कांबळे.