निराधार पाल्यांना धनादेशाद्वारे आर्थिक मदत

माढेश्वरी अर्बन सहकारी बँकेच्या वतीने हा उपक्रम राबविण्यात आला. माढा विधानसभा मतदार संघातील एकूण ७२ निराधार पाल्यांना धनादेशाद्वारे आर्थिक मदत देण्यात आली. कोरोनामुळे ज्या पाल्यांचे आई-वडील दोघेही मयत झाले आहेत, अशा पाल्यांना १० हजार रुपये तर ज्यांचे आई किंवा वडील मयत झाले आहेत अशा पाल्यांना ५ हजार ५५५ रुपये अशी मदत चेकद्वारे देण्यात आली.

आमदार शिंदे यांच्या वाढदिवसाचा अनावश्यक खर्च टाळून हा उपक्रम राबविल्याचे राष्ट्रवादी काँग्रेसचे विधानसभा मतदार संघ अध्यक्ष रमेश पाटील यांनी सांगितले. यावेळी शिवाजी पाटील, सरपंच प्रमोद कुटे यांनी आपले मनोगत व्यक्त केले.

या कार्यक्रमास राष्ट्रवादीचे जिल्हा उपाध्यक्ष दिलीप भोसले, माजी सभापती तुकाराम ढवळे, शिवाजीराव पाटील, वैभव कुटे, राष्ट्रवादी काँग्रेसचे तालुका अध्यक्ष संभाजी पाटील, तालुका प्रसिद्धी प्रमुख सतीश काळे, अशोक मिस्किन, तालुका उपाध्यक्ष सचिन होदाडे, संजय मिस्किन, महेंद्र वाकसे, पिंटू लोंढे, सुरेश कुटे आदी उपस्थित होते.

---