शॉट सर्किट ने पेट्रोल पंपाजवळ आग; तेलाचे डबे, फर्निचर इतर साहित्य जळून खाक

आगीचा प्रकार गुरुवारी पहाटे चारच्या सुमारास घडला.

सोलापूर -  बार्शी शहरातील लातूर रोड वर असलेल्या भगवंत सहकारी पुरवठा मंडळच्या पेट्रोल पंपाच्या कर्मचार्यासाठी असलेल्या रूमला शॉर्ट सर्किट होऊन आग लागली. या आगीमध्ये तेलाचे डबे, फर्निचर इतर साहित्य जळून खाक झाले. आगीचा प्रकार गुरुवारी पहाटे चारच्या सुमारास घडला.

बुधवारी रात्री पेट्रोल पेट्रोलपंप बंद करून काही कामगार हे तेथील कार्यालयाशेजारी असलेल्या रूममध्ये झोपले होते. पहाटे चारच्या सुमारास शॉर्टसर्किट होवून आग लागल्यानंतर धुराचे लोट निघत असल्याचे कामगारांना दिसले. कामगारांनी पेट्रोल पंपावर असलेल्या फायर बॉक्सच्या पंपाचा मारा केला. त्यानंतर बार्शी नगरपालिकेच्या अग्निशामक दलास बोलाविले. अग्निशामक दलाने पाण्याचा मारा करत आग आटोक्यात आणली.

जवळच पेट्रोल, डिझेलचा साठा..

शॉर्ट सर्किटने आग लागलेल्या पेट्रोल पंपाच्या कर्मचार्यांच्या रूमजवळ पेट्रोल व डिझेलचा साठा करून ठेवलेले अंडर ग्राउंड दोन हौद होते. पण वेळीच आग आटोक्यात आल्याने ते पंप सुरक्षित राहिले.