सुसाट आलेल्या वाहनाच्या धडकेत हेल्मेटचे तुकडे होऊन माजी सैनिक ठार

पोलीस सूत्रांनुसार अर्जुन भागवत गुंड (५० अनगर, सध्या रा. मोहोळ) हे भारतीय सैन्य दलातील निवृत्त सुभेदार पाकणी येथील इंडियन ऑइल कॉर्पोरेशन लिमिटेड कंपनीमध्ये हेड सिक्युरिटी इन्चार्ज होते. नेहमीप्रमाणे ते आपल्या (एमएच-१३ एसी-५२१६) दुचाकीवरून हेल्मेट घालून इंडियन ऑइल कंपनीकडे ते निघाले होते. सकाळी ७ वाजेदरम्यान वडवळ फाट्याजवळील बोडके यांच्या शेती फार्मसमोर त्यांच्या दुचाकीला अज्ञात वाहनाने जोराची धडक दिली. यात ते गंभीर जखमी होऊन जागीच मयत झाले. त्यांच्या पश्चात पत्नी, मुलगा व मुलगी, असा परिवार आहे.

----

टोलच्या कर्मचाऱ्यांनी दिली खबर

अपघात एवढा भीषण होता की, त्यांच्या डोक्यावर असलेल्या हेल्मेटचे तुकडे पडून, डोक्याला गंभीर मार लागला. यातच माजी सैनिक ठार झाला. या अपघातप्रकरणी सावळेश्वर टोल प्लाझाचे कर्मचारी राहुल पांडे यांनी मोहोळ पोलीस ठाण्यात खबर दिली. अधिक तपास अपघात पथकाचे सहायक पोलीस फौजदार अविनाश शिंदे करीत आहेत.

फोटो .

अर्जुन गुंड