बार्शीत गोमांसाची विक्री, चौघांना अटक

याबाबत प्राणिमित्र धन्यकुमार पटवा यांनी पोलिसांत तक्रार देताच पोलिसांनी इफतेकर गफार सौदगर (वय २६), ऊबीन वारीस सौदागर (३२), जिहान सौदागर (२७), वाहिद इलाईन सौदागर (२४, सर्व रा. मंगळवार पेठ) यांच्याविरुद्ध महाराष्ट्र प्राणी संरक्षण अधिनियम १९९५ चे कलम ५ अ व ५ ब प्रमाणे गुन्हा दाखल केला आहे.

वरील चौघांनी गोवंश हत्याबंदी असताना बेकायदेशीररीत्या पिंपळगाव धस रोडवर असलेल्या एका नगरपालिकेच्या कत्तलखान्याजवळील भिंतीजवळ गोवंश हत्या केली. त्याचे मांस विक्रीसाठी मंगळवार पेठेतील बीफ मार्केटमध्ये आणले. याबाबतची माहिती प्राणिमित्र धन्यकुमार पटवा यांना समजताच त्यांनी तेथे जाऊन पाहणी केली. त्यानंतर शहर पोलिसांना कळविले असता सहायक पोलीस निरीक्षक केदार यांनी घटनास्थळाची पाहणी करताच गोमांसाची विक्री होत असल्याचे पाहून त्यांना ताब्यात घेतले.