गजानन नेरपगार सोलापूरचे नवे आरटीओ; लवकरच घेणार पदभार

धाराशिव उपप्रादेशिक परिवहन अधिकारी पदाचा पदभार विजय तानाजी पाटील यांच्याकडे सोपविण्यात आला आहे.

सोलापूर : धाराशिव येथील गजानन नेरपगार यांची सोलापूरच्या उपप्रादेशिक परिवहन अधिकारी म्हणून पदोन्नतीने नियुक्ती झाली आहे. याबाबतचा आदेश परिवहन आयुक्त विवेक भीमनवार यांच्या सहीने ६ जून २०२४ रोजी निर्गमित करण्यात आले आहे. 

धाराशिव उपप्रादेशिक परिवहन अधिकारी पदाचा पदभार विजय तानाजी पाटील यांच्याकडे सोपविण्यात आला आहे. याशिवाय लातूर उपप्रादेशिक परिवहन अधिकारी पदाचा कार्यभार अशिषकुमार अय्यर यांच्याकडे पुढील आदेश होईपर्यंत अतिरिक्त स्वरूपात सोपविण्यात आला आहे. विजय पाटील यांनी स्वत:च्या पदाची कर्तव्य सांभाळून गजानन नेरपगार यांच्याकडून प्रादेशिक परिवहन अधिकारी व उपप्रादेशिक परिवहन अधिकारी, धाराशिव पदाचे कामकाज सांभाळावे. सोबतच अशिषकुमार अय्यर यांनी लातूर येथील उपप्रादेशिक परिवहन अधिकारी पदाचे कामकाज सांभाळावे असेही परिपत्रकाव्दारे सुचित करण्यात आले आहे. लोकसभा निवडणुकीनंतर आरटीओ विभागात बदल्या सुरू झाल्या असून अन्यही अधिकारी बदलीच्या प्रतिक्षेत असल्याचे बोलले जात आहे.