Good News; ज्येष्ठ नागरिकांना, गरोदर मातांना देखील घेता येणार विठ्ठलाचे दर्शन

सोलापूर लोकमत ब्रेकिंग

पंढरपूर : धार्मिक स्थाने / प्रार्थना स्थळे जेष्ठ नागरिक व गरोदर महिलांसाठी खुली करणेबाबत महाराष्ट्र शासन मुख्य सचिव सीताराम कुंटे यांनी आदेश काढला आहे.

यामुळे विठ्ठल रुक्मिणी मातेच्या दर्शन आता वयस्कर व गरोदर मातांना देखील घेता येणार आहे कोरोनाचा संसर्ग जन्य रोगामुळे ज्येष्ठ नागरिकांना व गरोदर मातांना मंदिरात प्रवेश नव्हता. परंतु ज्या ६५ वर्षावरील जेष्ठ नागरिक व गरोदर स्त्रियांचे कोविड-१९ प्रतिबंधात्मक लसीकरण पूर्ण झालेले आहे. लसीकरणाच्या दुसऱ्या मात्रेनंतर १४ दिवस पूर्ण झालेले आहेत अशा ६५ वर्षावरील जेष्ठ नागरिक व गरोदर स्त्रियांनासुध्दा धार्मिक स्थळे / प्रार्थना स्थळांना भेट देण्याची मुभा देण्यात येत आहे.

धार्मिक स्थाने/प्रार्थना स्थळांच्या क्षेत्रात प्रवेश करताना मुख आवरण घालणे (मास्क), शारिरीक अंतर राखणे, औष्णिक पटेक्षण ) व हात धुणे किंवा रोगाणुरोधक यंत्र (थर्मलस्कॅनिंग) अनिवार्य असेल. या शिवाय कोविडच्या फैलावास प्रतिबंध करण्यासाठीच्या उपाय योजन, अटी व शर्ती लागू राहतील. याशिवाय, कोविड च्या प्रतिबंधासाठी वर निर्दिष्ट केलेल्या आदेशात विहित केलेले १९ - शारिरीक अंतर राखणे व खबरदारी याबाबतच्या सर्व निकषांचे पालन करणे आवश्यक राहील. असा आदेश महाराष्ट्र शासन मुख्य सचिव सीताराम कुंटे यांनी आदेश काढला आहे.