अंगारकी संकष्ट चतुर्थीनिमित्त पंढरपुरातील विठ्ठल मंदिरात हराळीची आरास

सोलापूर लोकमत ब्रेकींग

पंढरपूर : अंगारकी संकष्ट चतुर्थीनिमीत्त श्री.विठ्ठल व रूक्मिणीमातेच्या गाभाऱ्यात तसेच मंदिरात हराळीची (दुर्वा) आकर्षक व मनमोहक अशी सुंदर आरास करण्यात आली आहे.

प्रत्येक हिंदू सण, उत्सव, स्वातंत्र्य दिन व प्रजासत्ताक दिन या दिवशी आकर्षक फुलांची सजावट करण्याचे काम श्री. विठ्ठल रूक्मिणी मंदिर समितीच्या वतीने सुरू करण्यात आले आहे.

याच एक भाग म्हणून अंगारकी संकष्ट चतुर्थीनिमित्त ही विठ्ठल व रूक्मिणी मातेच्या गाभाऱ्यात हराळीची सजावट करण्याचे आयोजन केले होते. यामुळे वडगाव धायरी (पुणे) येथील श्रीमंत मोरया ग्रुपच्यावतीने उद्योजक सचिन चव्हाण, संदीप पोकळे, प्रकाश पोकळे यांनी मंदिरातील सजावटीचा खर्च करण्याची इच्छा व्यक्त केली. याची दाखल घेत मंदिर समितीचे कार्यकारी अधिकारी विठ्ठल जोशी यांनी मोरया ग्रुपला सेवा करण्याची संधी दिली. अंगारकी संकष्ट चतुर्थीनिमित्त विठ्ठल मंदिरात हराळीचा वापर सजावटीसाठी करण्यात आली आहे. विठ्ठल व रुक्मीणी गाभाऱ्यात हराळीची सजावट करण्यात आली. यामुळे मंदीरात येणाऱ्या भाविकांना अधिकच प्रसन्न वाटत होते.