दारूला पैसे न दिल्याने माता-पित्याला मारहाण करून छप्पर पेटवून दिले

करमाळा : दारू पिण्यास पैसे देत नसल्याच्या कारणावरून मुलाने आई-वडिलांना लाथा-बुक्क्यांनी व दगडाने मारहाण करून जखमी केले. तसेच घराचे छप्पर पेटवून दिले आहे.

शुक्रवारी रात्री ९.३० वाजता सालसे (ता.करमाळा) येथे घडला. याप्रकरणी दत्तू रामा अडसूळ (वय ६०, रा.सालसे, रा. करमाळा) यांनी फिर्याद दिली आहे.

दत्तू यांचा मुलगा किरण आडसूळ यास दारूचे व्यसन आहे. २५ जून रोजी रात्री तो घरी आला. मुलांना खायला का आणत नाही. दारू पिण्यासाठी पैसे का देत नाही म्हणत माता-पित्यांना शिवीगाळ केली. त्यानंतर त्याने मारहाण करीत दगड उचलून वडिलांच्या डोक्यात मारून जखमी केले. पत्नी शालन या दत्तू यांना सोडविण्यास आल्या असता त्यांच्याही डोक्यात दगड मारून त्यांनाही जखमी केले.

---

दोन शेळ्यांचा मृत्यू

आई-वडिलांना मारहाण करून तो एवढ्यावरच थांबला नाही. त्यानंतर खिशातून काडीपेटी काढून छप्पर पेटवून दिले. यावेळी आगीत दोन शेळ्या भाजून जागीच मरण पावल्या. तसेच शेतीपयोगी सामान असे ३० हजार रुपयांचे नुकसान झाले. त्यानंतर मुलगा किरण हा पळून गेला. याप्रकरणी पोलिसांनी किरणविरुद्ध गुन्हा दाखल केला.