मुलाचा रडण्याचा आवाज ऐकून शेजारी आले अन् समोर विवाहित महिलेचा मृतदेह पाहिला

विवाहित महिलेची आत्महत्या; माढा तालुक्यातील घटना

माढा : माढा तालुक्यातील निमगाव सिना येथील वर्षा चंद्रकांत ओहोळ (वय २२) या विवाहित महिलेने अज्ञात कारणाने राहत्या घराच्या वाश्याला ओढणीने गळफास घेऊन आत्महत्या केल्याची घटना बुधवार ६ रोजी सायंकाळी सातच्या सुमारास घडली आहे.

मयताच्या घराशेजारीच राहणारे दगडू ओहोळ हे कुटुंबियांसोबत घरात जेवत असताना मयत महिलेचा लहान मुलगा मोठ्याने रडत असल्याचा आवाज आल्यावर मयताच्या घराकडे गेल्यावर ही घटना उघडकीस आल्याची खबर दगडू परशूम ओहळ यांनी माढा पोलिसात खबर दिली. पुढील तपास माढा पोलीस करीत आहेत.