पंढरपुरात घर तेथे वृक्षारोपण

पंढरपूर : शहर व तालुका संघातर्फे ‘घर तिथे वृक्षारोपण’ संकल्पना राबविली जात आहे. याअंतर्गत वृक्षारोपणासाठी कौठाळी (ता. पंढरपूर) हे गाव दत्तक घेतले आहे.

प्राथमिक स्वरूपात सरपंच स्वाती धुमाळ यांच्या हस्ते वृक्षारोपण करून वृक्षलागवडीला सुरुवात केली. ‘घर तिथे वृक्षारोपण’ संकल्पनेअंतर्गत प्रत्येक घरांमध्ये एक रोप देण्यात येणार आहे. घरातील सदस्यांनी वृक्षाचे संवर्धन करणार आहेत. वृक्षाचे योग्य संवर्धन करणाऱ्या कुटुंबास प्रमाणपत्र देऊन सन्मानित करण्यात येणार आहे.

यावेळी सरपंच स्वाती धुमाळ, उपसरपंच रामदास नागटिळक, सहकार शिरोमणीचे संचालक मोहन नागटिळक, ॲड. दत्तात्रय पाटील, माजी सरपंच महादेव गाढवे, ग्रामपंचायत सदस्य अनिल नागटिळक, रघुनाथ गोडसे, मुख्याध्यापक राजू पवार, धोंडिराम वाघमोडे, सचिन आटकळे, दिलीप इंगळे, मुख्याध्यापक श्रीकांत नागटिळक, डॉ. मस्के, आरोग्यसेविका आसबे, बाळासाहेब धुमाळ, अरुण धुमाळ, विकास नागटिळक, बाळासाहेब इनामदार, हरी सलमपुरे, संतोष भुईटे उपस्थित होते.