बार्शी बायपास रोडवर भीषण अपघात; दोन्ही चालक गंभीर जखमी .

या अपघातात पांडुरंग विश्वनाथ लटके (वय ५५), लक्ष्मण प्रल्हाद लटके (५०) व विष्णू नारायण लटके (४५, सर्व रा. केवड, ता. माढा) हे जखमी झाले. मंगळवारी दुपारी बार्शी बायपास रोडवरील रायबा हॉटेलजवळ रस्त्याच्या मधोमध हा अपघात झाला. मिळालेल्या माहितीनुसार जीप (एमएच ४५ एन १९१६) ही कुर्डूवाडीकडून लातूरकडे जात होती, तर छोटा हत्ती (एमएच ०९ इ एम १३२०) कुर्डूवाडीकडे जात होता. दोन्ही वाहनांची समोरासमोर धडक झाली. रात्री उशिरापर्यंत तालुका पोलिसांत गुन्हा दाखल करण्याचे काम चालू होते.

या अपघाताची घटनास्थळी जमलेल्या लोकांनी बार्शी ग्रामीण पोलीस स्टेशनला कल्पना दिली. सहायक पोलीस निरीक्षक शिवाजी जायपात्रे यानी घटनास्थळी पोलीस कर्मचाऱ्यांना पाठवले. तत्काळ पोलिसांनी रुग्णवाहिका मागवून जखमींना जगदाळे मामा हॉस्पिटलमध्ये दाखल केले आहे.

-----