नवीन महिला व बाल सरकारी रुग्णालयाचे फेब्रुवारी अखेर लोकार्पण; आरोग्यमंत्री तानाजी सावंत
By बाळकृष्ण दोड्डी | Published: February 10, 2024 06:22 PM2024-02-10T18:22:54+5:302024-02-10T18:23:16+5:30
आवश्यक उपाययोजना लवकरात लवकर करण्याच्या सूचना त्यांनी पीडब्ल्यूडीच्या अधिकाऱ्यांना दिल्या.
नवीन महिला व बाल सरकारी रुग्णालयाचे फेब्रुवारी अखेर लोकार्पण; आरोग्यमंत्री तानाजी सावंत
सोलापूर: गुरुनानक चौकात साकारलेल्या जिल्हा महिला व बाल सरकारी रुग्णालय तसेच जिल्हा रुग्णालय या दोन्ही रुग्णालयांचे फेब्रुवारी अखेर लोकार्पण होणार असल्याची माहिती आरोग्य मंत्री तानाजी सावंत यांनी सोलापुरात दिली. शनिवारी दुपारी आरोग्य मंत्री सावंत यांनी नवीन रुग्णालयाला भेट दिली. बांधकामाची पाहणी केली. काही दुरुस्ती सुचविल्या.
आवश्यक उपाययोजना लवकरात लवकर करण्याच्या सूचना त्यांनी पीडब्ल्यूडीच्या अधिकाऱ्यांना दिल्या. मेडिकल फर्निचरची कामे युद्धपातळीवर सुरू असून नवीन भरती देखील सुरू केली आहे. २९ फेब्रुवारी अखेर दोन्ही रुग्णालये रुग्णसेवेत दाखल होतील, असेही त्यांनी यावेळी सांगितले. रुग्णालयाचे खासगीकरण होणार असल्याची टीका आमदार प्रणिती शिंदे यांनी विधानसभेत केली होती. यावर स्पष्टीकरण देताना सावंत म्हणाले, दोन्ही रुग्णालयांचे कदापि खासगीकरण होणार नाही.