जयंत पाटील यांनी घेतली माकपचे नेते आडम मास्तर यांची भेट

पाटील हे गुरूवारी सोलापूर दौऱ्यावर होते. या दरम्यान त्यांनी आडम यांच्या घरी जाऊन जन्मदिवसाच्या शुभेच्छा दिल्या

सोलापूर : राष्ट्रवादी काँग्रेस पक्षाचे नेते जयंत पाटील हे मार्क्सवादी कम्युनिष्ट पक्षाचे माजी आमदार नरसय्या आडम यांच्या बापूजी नगर येथील घरी जाऊन भेट घेतली. गुरूवारी, एक जून रोजी माजी आमदार आडम यांचा जन्मदिवस असून सायंकाळी त्यांच्या आत्मचरित्र ग्रंथाचे प्रकाशन होणार आहे.

पाटील हे गुरूवारी सोलापूर दौऱ्यावर होते. या दरम्यान त्यांनी आडम यांच्या घरी जाऊन जन्मदिवसाच्या शुभेच्छा दिल्या. या वेळी त्यांनी मनसोक्त गप्पा देखील मारल्या. या वेळी माजी महापौर महेश कोठे तसेच माजी आमदार दिपक साळुंके पाटील आदी उपस्थित होते.
अधिक माहिती देताना आडम यांनी सांगितले, जयंत पाटील यांच्यासोबत मी विधानसभेत होतो. शुभेच्छा देण्याकरीता ते माझ्या घरी आले. यावेळी राजकीय चर्चा झाली नाही.