माळकवठेच्या सरपंचपदी जयश्री सगरे बिनविरोध

मंद्रूप, दक्षिण सोलापूर तालुक्यातील माळकवठे ग्रामपंचायतीच्या सरपंचपदी जयश्री राजशेखर सगरे तर उपसरपंचपदी प्रभावती अनिल गायकवाड यांची बिनविरोध निवड करण्यात आली.

सरपंच व उपसरपंच पदासाठी महाविकास आघाडीकडून सगरे तर उपसरपंचपदासाठी गायकवाड यांचा एकमेव अर्ज दाखल झाल्याने त्यांची बिनविरोध निवड करण्यात आली. यावेळी ग्रामपंचायतीचे नूतन सदस्य शिवलिंग बगले, अनिल थोरात, मसा बनसोडे, संजय इटकर, धानम्मा स्वामी, रेवूबाई काळे, जुबेदा शेख, दाहीहलीमा नदाफ उपस्थित होते.

यावेळी पॅनेलप्रमुख तथा माजी जिल्हा परिषद सदस्य आप्पासाहेब काळे, माजी पंचायत समिती सदस्या संगम्मा सगरे, पंचाक्षरी स्वामी, अण्णाराव पाटील, विवेकानंद स्वामी, राजगुरू बगले उपस्थित होते. विजयानंतर सत्ताधारी गटाने फटाके फोडून व गुलाल उधळून जल्लोष केला.

----

०३ प्रभावती गायकवाड

०३ जयश्री सगरे