जीप गाडीतून आले अन् नवऱ्याला उचलून घेऊन गेले; पुढे काय झालं नक्की वाचा 

पंढरपूर तालुका पोलीस ठाण्यात सहा जणांविरुद्ध अपहरणाचा गुन्हा दाखल 

पंढरपूर : एखाद्या चित्रपटातील दृश्याप्रमाने पंढरपूरनजीक असलेल्या लक्ष्मीटाकळी या गावात एक अपहरणाची घटना सोमवारी रात्री साडे आठच्या सुमारास घडली आहे. जीप गाडीतून आले अन् नवऱ्याला उचलून घेऊन गेले, अशी अपहरण झालेल्या व्यक्तीच्या पत्नीने पंढरपूर तालुका पोलीस ठाण्यात मंगळवारी तक्रार दिली आहे.

सूत्रांकडून मिळालेल्या माहितीनुसार, अनिता बंडु शिंदे  (वय ४२,  रा.टाकळी रोड प्रतिभाताई नगर, लक्ष्मी टाकळी, ता.पंढरपूर, जि.सोलापूर) यांचे टाकळी रोड माळीवस्ती सुहासनी दुग्धालयाशेजारी शिवपार्वती किराणा दुकाना आहे. 

या दुकानासमोरून २ मोटारसायकलवरून आलेल्या ४ इसम  व १ काळ्या रंगाच्या बोलेरो जीपमधुन २ इसम आले. या  ६ अनोळखी इसमांनी पैशाचे कारणावरून अनिता यांचे पती बंडु ज्ञानोबा शिंदे (वय ४६, रा. प्रतिभाताई नगर, टाकळी रोड, पंढरपुर) यांना जबरदस्तीने पळवुन घेवुन गेले आहेत. याबाबत पंढरपूर तालुका पोलीस ठाण्यात भा.द.वि.क ३६५,३४ प्रमाणे गून्हा दाखल करण्यात आला आहे.

अपहरण कर्त्यांनीच आणून सोडले

अनिता शिंदे यांनी पतीच्या अपहरण झाल्याची तक्रार पोलीस ठाण्यात दिली. यानंतर काही वेळाने अपहरणकर्त्यांनीच बंडू शिंदे यांना बुधवारी दुपारी चार वाजता  घराजवळ आणून सोडले. या प्रकरणात  एका बड्या नेत्याचा व कारखान्याच्या गाडीचा वापर झाल्याची माहिती सूत्रांकडून मिळाली आहे.