हगलूरजवळ दुहेरी अपघातात एक ठार

सोलापूर : तुळजापूर रस्त्यावर हगलूरजवळ ट्रक व स्कॉर्पिओ जीपची टक्कर होऊन झालेल्या अपघातात एकजण ठार तर चारजण तर जीपवर मोटरसायकल आदळून दोघेजण जखमी झाले.
जीपमधील कुंडला शंकर गजधाने (वय ६५, चपळगाव, ता. अक्कलकोट) या गंभीर जखमी होऊन मरण पावल्या तर अन्य चौघेजण जखमी झाले. त्यांना खासगी रुग्णालयात दाखल करण्यात आले आहे. हे सर्वजण लग्नासाठी तुळजापूरकडे निघाले होते. हगलूरजवळ समोरून येणार्‍या ट्रकने स्कॉर्पिओला धडक दिली. यात स्कॉर्पिओच्या पुढील भाग चक्काचूर झाला. पाठीमागून येणारी मोटरसायकल स्कॉर्पिओवर आदळली. त्यात विजयकुमार शिवलिंग कांबळे (वय ४५, रा. वैष्णवीनगर), संतोष बाजीराव वाघमारे (वय ३३, रा. प्रसादनगर, जुळे सोलापूर) हे जखमी झाले. हे दोघे मोटरसायकलवरून तुळजापूरकडे निघाले होते. सोलापूर तालुका पोलीस ठाण्यात याची नोंद झाली आहे.