रात्री उशिरा चहा पाजणं अध्यक्षाला पडलं महागात; हॉटेलसमोर राडा, दोघांचं नाक-तोंड फुटलं

या प्रकरणी सदर बझार पोलीस ठाण्याचे पोलीस रामा हरिदास भिंगारे यांच्यासह पोलिसांनी घटनास्थळी धाव घेऊन भांडण आटोक्यात आणले. त्यांनी जमावातील दहाजणांविरुद्ध फिर्याद दिली.

सोलापूर : चौकातील तरुण मंडळांच्या अध्यक्षपदी निवड झाल्यानंतर चहाला घेऊन जाणाऱ्या अध्यक्षाला चहा पाजणं महागात पडलं. हॉटेसमोर शाब्दिक बाचाबाचीतून हाणामारी झाली. या नव्या अध्यक्षासह दोघे जखमी झाले. शास्त्री नगर येथील नुरदरिया हॉटेसमोर बुधवारी रात्री ११:१५ च्या सुमारास ही घटना घडली. या प्रकरणी पोलिसांनी दहा जणांविरुद्ध बेकायदेशीर जमाव जमवून शांततेचा भंग केल्याबद्दल गुरुवारी पहाटे गुन्हा नोंदला आहे.

या प्रकरणी सदर बझार पोलीस ठाण्याचे पोलीस रामा हरिदास भिंगारे यांच्यासह पोलिसांनी घटनास्थळी धाव घेऊन भांडण आटोक्यात आणले. त्यांनी जमावातील दहाजणांविरुद्ध फिर्याद दिली. यात म्हटले आहे की, सत्तनाम चौक यजेथील महावीर तालीम तरुण मंडळाच्या नूतन अध्यक्षपदी बुधवारी संतोष वसंत मरेड्डी याची निवड करण्यात आली. रात्री ११ च्या सुमारास अध्यक्ष संतोष मरेड्डी याने सर्वांना चहा पाजायला शास्त्री नगर येथील नुरदिया हॉटेलकडे आणले होते.

यावेळी जमावातील नऊजणांचे अरबाज शब्बीर बेपारी यांच्यामध्ये शाब्दिक चकमक झाली. यातून हाणामारी सुरु झाली. यात अध्यक्ष संतोष मरेडडी व अरबाज बेपारी यांच्या नाकाला व चेहऱ्याला बाचाबाचीत जखम झाली.
पोलिसांनी तातडीने घटनास्थळी पोहोचून तणावपूर्ण वातावरण आटोक्यात आणले. दहाजणांविरुद्ध बेकायदेशीर जमाव जमवल्याबद्दल गुरुवारी पहाटे गुन्हा दाखल केला. तपास हवालदार इनामदार करीत आहेत.

यांच्याविरुद्ध गुन्हे नोंदले
सदर बझार पोलिसांनी या प्रकरणी दर्गादास विजय म्हेत्रे, सागर दीपक कोरे, प्रशांत हिरालाल सोंडेकर, प्रथमेश संजय कोल्लूर, महेश रमेश कोरे, संतोष वसंत मरेड्डी, गणेश भारत रोकडे, पंकज संजय कोल्लूर, योगीराज राजू म्हेत्रे, अरबाज शब्बीर बेपारी (सर्व सत्तनाम चौक, सोलापूर) यांच्याविरुद्ध गुन्हा नोंदला आहे.