अल्पवयीन मुलीवर आईपण लादणाऱ्या नराधमास अटक

पोलिसांकडून मिळालेल्या माहितीनुसार, पंढरपूर शहरातील १२ वर्षाच्या अल्पवयीन मुलीवर ७ महिन्यापूर्वी ते १२ जून २०१९ रोजी अत्याचार करून, तिच्यावर आईपण लादले. या प्रकरणी मुलीच्या आईने पोलीस ठाण्यात अज्ञात व्यक्तीविरुद्ध भादंवि कलम ३७६, ३७६(२), (आय)(जे) बाल लैंगिक अत्याचार कायदा कलम ९ प्रमाणे गुन्हा नोंदला होता.

या अल्पवयीन मुलीला रुग्णालयात दाखल केल्यापासून सपोनि एम. एन. जगदाळे रोज सोलापूर येथे जात होते. त्यांनी तिला विश्वासात घेऊन विचारपूस केली. यावेळी तिने एका तरुणाने खाऊसाठी पैसे देतो म्हणून लैंगिक अत्याचार केल्याचे सांगितले.

यानंतर सपोनि जगदाळे, हवालदार ज्ञानेश्वर वगरे, नीलेश कांबळे संबंधित तरुणास मंगळवारी रात्री ताब्यात घेतले. या प्रकरणी वैद्यकीय अधिकाऱ्यांचे मार्गदर्शन घेऊन तपास करण्याचे काम सुरू असल्याचे पवार यांनी सांगितले.

----

तीन दिवसाची पोलीस कोठडी

अल्पवयीन मुलीवर अत्याचार करणाऱ्या त्या तरुणाला न्यायालयात गुरुवारी हजर केले. यावेळी न्यायालयाने त्याला तीन दिवसाची पोलीस कोठडी दिली आहे.