तब्बल २८९ सुशीलकुमारांनी भरले मोफत पेट्रोल, ४ सुशीलकुमार शिंदे
By ऑनलाइन लोकमत | Published: September 5, 2021 08:24 AM2021-09-05T08:24:25+5:302021-09-05T08:24:48+5:30
सोलापुरातील काँग्रेस कार्यकर्त्यांचा अभिनव उपक्रम
तब्बल २८९ सुशीलकुमारांनी भरले मोफत पेट्रोल, ४ सुशीलकुमार शिंदे
लोकमत न्यूज नेटवर्क
सोलापूर : देशाचे माजी केंद्रीय गृहमंत्री सुशीलकुमार शिंदे यांचा वाढदिवस शनिवारी सोलापुरात साजरा करण्यात आला. काँग्रेसच्या नगरसेविका फिरदोस पटेल यांनी यशदा युवती फाउंडेशनच्या वतीने सात रस्ता येथील पेट्रोल पंपावर ‘सुशीलकुमार’ किंवा ‘सुशील’ नाव असलेल्या व्यक्तींना ५०१ रुपयांचे पेट्रोल मोफत देण्याचा उपक्रम राबविला. यात सोलापुरातील २८९ सुशीलकुमारांनी मोफत पेट्रोलचा लाभ घेतला.
सकाळी सर्वप्रथम आलेल्या सुशीलकुमार माणिकराव शिंदे यांचा फेटा बांधून व पेढे भरवून सत्कार केला. दिवसभरात २८९ सुशीलकुमारांनी सुमारे दीड लाख रुपयांचे पेट्रोल मोफत भरले.
चार जणांचे नाव निघाले सुशीलकुमार शिंदे
nया उपक्रमात सोलापूर शहराबरोबरच दक्षिण सोलापूर व उत्तर सोलापूर तालुक्यातील सुशीलकुमार व सुशील नावाच्या व्यक्ती आल्या होत्या. त्यात सुशीलकुमार शिंदे नावाच्या चार व्यक्ती होत्या. या व्यक्तींचा संयोजकांनी यथोचित सन्मान केला.
nया उपक्रमात सहभाग नोंदवण्यासाठी सहा वर्षांच्या सुशील नावाच्या मुलाला त्याचे वडील घेऊन आले होते. या वेळी संयोजकांनी त्याची गाडी कुठे आहे हे विचारल्यावर तुम्ही तशी अट कुठे घातली आहे, असा प्रतिप्रश्न केल्यानंतर संयोजकांनी त्याच्या वडिलांच्या गाडीत पेट्रोल भरले.
