नर्सिंग कॉलेज मधील मुलीची होस्टेल मध्ये गळफास घेऊन आत्महत्या

बार्शी : बार्शी येथील बी.एस्सी. नर्सिंग कॉलेजमध्ये शिकणाऱ्या मुलीने फस्ट इयरच्या परीक्षेत सलग दोन वेळा नापास झाल्याने होताच नाराज होऊन तिने होस्टेल मध्ये ओढणीच्या साहाय्याने छतास गळफास घेऊन आत्महत्या केली. शनिवारी सकाळी या होस्टेल मधील रूम नं. ११ मध्ये ही घटना घडली.

गळफास घेतलेली सायली शिवाजी जगताप (वय- २२, रा. पालसिंगण ता. जिल्हा बीड) येथील आहे. तिने मागील वर्षी याच नर्सिंग कॉलेजमध्ये प्रवेश घेतला होता. त्यावर्षी झालेल्या परीक्षेत एका विषयात पास होऊन चार विषयात नापास झाली होती. त्यात तिला एटीकेटी मिळाल्याने त्यावर दुसऱ्या वर्षासाठी प्रवेश घेऊन दोन्ही वर्षाचा अभ्यास करत होती. त्यानंतर तिने दिलेल्या परीक्षेचा निकाल शुक्रवारी रात्री लागला होता. त्यातही पहिल्या वर्षाच्या परीक्षेत ही पुन्हा नापास झाली. त्यामुळे नाराज होऊन तिने शनिवारी सकाळी होस्टेल मध्ये राहत असलेल्या रूम नं.११ मधील छतास ओढणी बांधून गळफास घेऊन आत्महत्या केली. याबाबत वसतिगृहाच्या रेक्टर संजोती काळे यांनी पोलिसात खबर दिली.

ही घटना शहर पोलिसांना समजताच पोसई नामदेव सस्ते, फौजदार प्रवीण सिरसट व पोलीस नाईक श्रीमंत खराडे यांनी जाऊन या घटनेचा पंचनामा करून ग्रामीण रुग्णालयात शवविच्छेदन करण्यास पाठविले.

----

सायली जगताप