बार्शीतून सोलापूर व पुणे येथे जाण्यासाठी प्रवासी वाहतूक सुरू

यावेळी स्थानक प्रमुख स्मिता मिसाळ, वाहतूक निरीक्षक संजय वायदंडे आगार लेखाकार विजय बुटे, सहाय्यक कार्यशाळा अधीक्षक रामचंद्र गवळी, वाहतूक निरीक्षक जयसिंग परदेशी, पंकज सावंत, महेंद्र क्षीरसागर, पवन वाघुलकर आदी उपस्थित होते.

गेल्या दोन महिन्यांपासून कोरोनामुळे एस.टी.ची प्रवासी वाहतूक सेवा बंद ठेवली होती परंतु आता रुग्णसंख्या कमी झाल्याने शासनाने प्रवासी वाहतुकीला परवानगी दिली आहे.

सध्या बार्शी आगारातून सोलापूर व स्वारगेट येथे प्रवासी वाहतुकीसाठी सकाळी आठ, सकाळी नऊ सकाळी दहा या वेळेत एस. टी. बसची वाहतूक सुरू केली आहे तसेच ज्या प्रवाशांना महाराष्ट्रातील इतर शहरात प्रवास करायचा असेल अशा प्रवाशांसाठी एस.टी.ने जादा वाहतुकीची सोय केली असल्याची माहिती आगार व्यवस्थापक मोहन वाकळे यांनी दिली.

बसमध्ये प्रवास करताना प्रवाशांनी शासनाच्या नियमांचे पालन करून प्रवाशांनी सोशल डिस्टन्स, मास्क व सॅनिटायझर आदींचा वापर करणे बंधनकारक असल्याचे प्रशासनाच्यावतीने कळविले आहे.

----