ट्रक-दुचाकीच्या अपघातात पोस्टमन ठार

अक्कलकोट : सिमेंट ट्रकच्या धडकेने पोस्टमनचा मृत्यू झाल्याची घटना बवकरवाडी येथे चव्हाण ढाब्याजवळ मंगळवारी दुपारी दोन वाजता घडली. सुरेश आणप्पा कोरे (५५, रा. हंनुर, ता. अक्कलकोट) असे मरण पावलेल्या पोस्टमनचे नाव आहे.

मंगळवारी दुपारी पोस्टमन सुरेश कोरे बऱ्हाणपूरहून दुचाकवरुन (एमएच-१३ बीके ५६४८) हन्नूरकडे निघाले होते. पाठीमागून येणाऱ्या सिमेंट ट्रकने (एमएच-१२ सीई ७१३६) कोरे यांच्या दुचाकीस धडक दिली. त्यांना तत्काळ शासकीय रुग्णालयात उपचारासाठी दाखल केले असता उपचारापूर्वीच त्यांचा मृत्यू झाला.

आरोपी ट्रकचालक सिराज युसूफ पिरजादे (वय २३, रा. बऱ्हाणपूर) यास पोलिसांनी ताब्यात घेतले आहे. घटनास्थळी पोलीस फिरोज मियावले, अजिंक्य बिराजदार यांनी धाव घेऊन पंचनामा केला. याबाबत रात्री उशिरापर्यंत उत्तर पोलीस ठाण्यात गुन्हा दाखल करण्याचे काम सुरू होते. ---

२५ सुरेश कोरे