सांगोल्याच्या उपनगराध्यक्षपदी प्रशांत धनवजीर यांची निवड

विद्यमान उपनगराध्यक्षा भामाबाई जाधव यांनी राजीनामा दिल्याने रिक्त पदासाठी नगराध्यक्षा राणी माने यांच्या अध्यक्षतेखाली बुधवारी नगरसेवकांची सभा घेण्यात आली. यावेळी शेकाप, भाजप व आनंदा माने गटाकडून नगरसेवक प्रशांत धनवजीर यांचा तर विरोधी राष्ट्रवादीचे नगरसेवक जुबेर मुजावर यांचे अर्ज प्राप्त झाले. यामुळे उपस्थित नगरसेवक, नगरसेविका यांच्यामधून हात उंचावून मतदान घेण्यात आले. यामध्ये राष्ट्रवादीचे जुबेर मुजावर यांना ८, तर प्रशांत धनवजीर यांना १२ मते मिळाल्याने पीठासन अधिकारी माने यांनी धनवजीर यांच्या निवडीची घोषणा केली. मुख्याधिकारी कैलास केंद्रे यांनी निवडणूक प्रक्रियेसाठी सहाय्यक म्हणून काम पाहिले.

यावेळी स्वीकृत नगरसेवक सोमेश यावलकर, सूरज बनसोडे, माजी नगरसेवक गजानन भाकरे, माउली तेली, सूर्यकांत मेटकरी, सभा अधीक्षक शरद माने, कार्यालयीन अधीक्षक अभिलाषा निंबाळकर आदी उपस्थित होते.

फोटो ओळ ::::::::::::::::::::::

उपनगराध्यक्ष प्रशांत धनवजीर यांचा पुष्पगुच्छ देऊन सत्कार करताना नगराध्यक्षा राणी माने. समवेत मुख्याधिकारी कैलास केंद्रे व नगरसेवक आदी,