सोलापुरात जिल्हा परिषद कर्मचाऱ्यांचे आंदोलन; जाणून घ्या नेमकं कारण

या आंदोलनाचे व मागण्यांचे निवेदन शासनाकडे,  जिल्हाधिकारी कुमार आर्शिवाद,  मुख्य कार्यकारी अधिकारी मनिषा आव्हाळे यांच्याकडे देण्यात आले.

सोलापूर : केंद्र शासनाच्या कर्मचारी कामगार धोरणाच्या विरोधात महाराष्ट्र राज्य जिल्हा परिषद कर्मचारी महासंघ जिल्हा शाखा व तालुका शाखा सोलापूर यांच्या वतीने शुक्रवार १६ फेब्रुवारी २०२४ रोजी कर्मचाऱ्यांना जुनी पेन्शन योजना लागू करा, सर्व कंत्राटी आउटसोर्सिंग व कामगार कर्मचाऱ्यांना सेवेत कायम करा, रिक्त पदे तात्काळ भरा, खाजगीकरण थांबवा, थकित महागाई भत्ता ची रक्कम अदा करा,आठवा वेतन आयोग, लवकरात लवकर स्थापन करा ई विविध मागण्या कडे लक्ष वेधण्यासाठी एक तास वॉक आऊट आंदोलन करण्यात आले.

या आंदोलनाचे व मागण्यांचे निवेदन शासनाकडे,  जिल्हाधिकारी कुमार आर्शिवाद,  मुख्य कार्यकारी अधिकारी मनिषा आव्हाळे यांच्याकडे देण्यात आले. सदरचे आंदोलन जिल्हा परिषद मुख्यालय व पंचायत समिती स्तरावर करण्यात आले. या आंदोलनात हजारो कर्मचारी सहभागी झाले होते. या आंदोलनात महाराष्ट्र राज्य जिल्हा परिषद कर्मचारी महासंघ, मराठा सेवा संघ जि प शाखा, लिपिक वर्गीय कर्मचारी संघटना, लेखा संघटना, मागासवर्गीय बहुजन कर्मचारी संघटना, जिल्हा परिषद कंत्राटी कर्मचारी संघटना  यांच्यासह इतर कर्मचारी संघटनेचे अनेक पदाधिकारी व सभासद यांनी भाग घेतला. या आंदोलनात अक्कलकोट, मोहोळ, कुर्डुवाडी, बार्शी, करमाळा, सांगोला, पंढरपूर, मंगळवेढा व माळशिरस येथील अनेक कर्मचाऱ्यांनी आंदोलनात भाग घेऊन आंदोलन यशस्वी केले.