उपळाईत जुगार अड्ड्यावर धाड

बार्शी : उपळाई (ठों.) या गावच्या परिसरात सुरू असलेल्या जुगार अड्ड्यावर बार्शी तालुका पोलिसांनी धाड टाकून सहा जणांविरुद्ध गुन्हा दाखल केला. या कारवाईत सहा मोबाइलसह ४१ हजारांचा ऐवज जप्त केला.

२१ डिसेंबर रोजी सांयकाळी ७ वाजण्याच्या दरम्यान पोलिसांनी ही कारवाई केली. पोलीस नाईक विजय घोगरे यांनी फिर्याद दिली आहे. याप्रकरणी रोहित तानाजी बाशिंगे (वय ३०, रा. बार्शी) मुकेश आंबरुषी भोरे (वय ३२, रा. कसबा पेठ), रमेश विश्वनाथ पवार (वय २०, रा. सुभाष नगर), महेश चंद्रकांत पवार (वय २८, रा. एकविराई चौक), लक्ष्मण खंडू वाघ (वय ५२, रा. मंगळवार पेठ) व तकबीर हिदायत पठाण (वय ५३, सर्व रा. अमन चौक, ता. बार्शी) यांच्याविरुद्ध गुन्हा दाखल केला आहे.

तालुका पोलीस ठाण्याचे सहायक पोलीस निरीक्षक शिवाजी जायपत्रे, सहायक फौजदार प्रवीण जाधव, राहुल बोदर, माधव धुमाळ, भांगे हे गस्त घालत असताना वरील आरोपी एका झाडाखाली रिंगण करून पत्त्यावर पैसे लावून जुगार खेळत असल्याचे समजले. पोलिसांनी धाड टाकली तेव्हा मन्ना नावाचा जुगार खेळत असल्याचे निदर्शनास आले.