पावसाने दडी मारल्याने उभ्या पिकात फिरवला रोटर

माढा : पावसाने दडी मारल्याने निराश झालेल्या केवड (ता. माढा) येथील शेतकरी शंकर चतुरसेन पाटील या शेतक-याने चार एकर उडदाच्या पिकावर रोटर फिरवला.

माढा-वैराग रोडलगत शेतात जवळपास चाळीस हजार रुपये खर्च करून जोपासलेल्या उडदाची लागवड केली. मात्र पावसाने दडी मारल्याने निराश झालेल्या शेतक-यांनी यावर ट्रॅक्टर फिरवला आहे. कोरोनामुळे शेतीमालाच्या भावामुळे अडचणीत आलेल्या शेतक-यांना पावसानेही अडचणीत आणल्याने शेतक-यांना मदतीची मागणी जोर धरू लागली आहे.

उडीद पिकाची लागवड करण्यासाठी खते टाकून लागवड केल्यानंतर त्यावर अळी पडल्याने त्यावर फवारणी करून पीक रोगराईपासून वाचवण्यासाठी शेतक-यांचे प्रयत्न केले. मात्र पावसाने दडी मारल्याने निराश झालेल्या शेतक-यांनी हे पाऊल उचलले.

---

फोटो : १३ माढा पावसाने दडी मारल्याने उभ्या पिकात रोटर फिरवताना शेतकरी शंकर पाटील