कुसळंबच्या सरपंचपदी शिवाजी खाेडवे

कुसळंब : बार्शी तालुक्यातील कुसळंब येथील ग्रामपंचायतच्या

सरपंचपदी शिवाजी खोडवे तर उपसरपंचपदी केशव काशीद यांची निवड करण्यात आली.

कुसळंब ग्रामपंचायतची सदस्य संख्या नऊ असून सरपंच पदाबाबत उत्सुकता लागून राहिली होती. सरपंचपद हे सर्वसाधारण पुरुष वर्गासाठी राहिले. निवडणूक अधिकारी म्हणून दासू राठोड यांनी काम पाहिले. सरपंच, उपसरपंच पदासाठी दोन्ही गटांकडून दोन अर्ज व उपसरपंच पदासाठी दोन अर्ज आले होते. निवडणूक अधिकाऱ्यांनी सदस्यांचे हात उंचावून मतदान घेण्यात आले.

त्यावेळी शिवाजी खोडवे यांना पाच मते तर विरोधी गटाला चार मते पडली. सरपंचपदासाठी केशव काशीद यांना पाच मते मिळाली, तर विरोधी गटाला चार मते मिळाली. ग्रामसेवक मुलाणी मिनाज यांनी प्रोसेडिंग वाचन केले.

यावेळी नूतन सदस्य शिवाजी खोडवे, केशव काशीद, अशोक झोंबाडे, अजित ननवरे, दीपाली काशीद, अनिता रोहित शिंदे, अश्विनी पवार, सीना शिंदे, सुजता पोटरे, विनोद पवार, सुहास काशीद, संतोष शिंदे, सोनू चौधरी, तात्या काशीद, कृष्णा काशीद, गणेश काळे पाटील, बाळासाहेब जाधव, योगेश काशीद, राम बसाटे, बाबासाहेब शिंदे, धनाजी शिंदे, शरद ढोबळे, अतुल शिंदे, राहुल खोडवे, सुजीत शिंदे उपस्थित होते.

---

२६ कुसळंब

कुसळंबच्या सरपंच, उपसरपंचपदाची निवड झाल्यानंतर आनंद व्यक्त करताना नवे गावकारभारी.