शिवाजी तळेकर यांचे निधन

करमाळा : खरेदी-विक्री संघाचे माजी चेअरमन शिवाजी बापू तळेकर (७५, रा. केम, ता. करमाळा) यांचे निधन झाले आहे. त्यांच्या पश्चात तीन मुले, नातवंडे, पत्नी, सुना, मुलगी असा परिवार आहे. पनवेल येथील तहसीलदार विजय तळेकर यांचे ते वडील होत. ते राजाभाऊ शैक्षणिक संस्थेचे संस्थापक होत.

वैजयंती नाईकनवरे

सोलापूर : पुरातत्त्व संशोधिका, दयानंद महाविद्यालयाच्या निवृत्त प्राध्यापिका डॉ. वैजयंती नाईकनवरे (७२) यांचे निधन झाले. पुण्यश्लोक अहिल्यादेवी होळकर सोलापूर विद्यापीठ सोलापूरच्या अभ्यास मंडळ चेअरमन, अधिष्ठाता, व्यवस्थापन परिषदेच्या सदस्य म्हणून त्यांनी भरीव योगदान दिले. इतिहास संशोधक स्व. ग. ल. भिडे यांच्या त्या विश्वासू सहकारी होत्या. त्यांनी राष्ट्रीय व आंतरराष्ट्रीय परिषदांमध्ये अध्यक्षपद भूषविले. मुडवी व सिद्दापूर (ता. मंगळवेढा) येथे झालेल्या उत्खनन प्रक्रियेत त्यांनी सक्रिय सहभाग नोंदवला. त्यांच्या पश्चात मुलगा, सून, नातू असा परिवार आहे.

अनिल बावी

सोलापूर : अनिल गुरुपादप्पा बावी (३७, रा. सिद्धेश्वर हौसिंग सोसायटी) यांचे निधन झाले. त्यांच्या पश्चात आई, वडील, पत्नी, मुलगी असा परिवार आहे. ते स्व. शांतविरप्पा बावी यांचे नातू होत.

राजू सादूल

सोलापूर : छायाचित्रकार राजू गणेश सादूल (५४ ) यांचे निधन झाले. त्यांच्या पश्चात तीन बहिणी, काका, पुतणे असा परिवार आहे.