धक्कादायक; वडिलांना घेऊन सोलापूरकडे येणाऱ्या मुलाचा अपघातात मृत्यू
By लोकमत न्यूज नेटवर्क | Published: April 21, 2021 12:14 PM2021-04-21T12:14:27+5:302021-04-21T12:14:44+5:30
सोलापूर लोकमत ब्रेकींग
धक्कादायक; वडिलांना घेऊन सोलापूरकडे येणाऱ्या मुलाचा अपघातात मृत्यू
Next सोलापूर : कासेगावहून सोलापूरकडे वडिलांना घेऊन येत असताना जुना तुळजापूर नाका येथील पर्ल गार्डन येथे अज्ञात वाहनाने दिलेल्या धडकेत मुलगा दिनेश हणमंत जाधव (वय २५, रा. कासेगाव, ता. दक्षिण सोलापूर) हा ठार झाला. हा अपघात मंगळवारी ५.३० वाजता घडला.
दिनेश जाधव व त्यांचे वडील हणमंत शामराव जाधव (वय ५५) हे दोघे मोटारसायकल (क्र. एमएच-१३ बीए-८७४७) वर बसून येत होते. दोघे जुना तुळजापूर नाका येथील पर्ल गार्डन येथे आले असता अज्ञात वाहनाने त्यांना धडक दिली. धडकेत दिनेश जाधव हा गंभीर जखमी झाला. त्याला उपचारासाठी शासकीय रुग्णालयात दाखल केले असता मृत्यू झाला. याची नोंद जोडभावी पेठ पोलीस ठाण्यात झाली आहे.