सिद्ध नागेश क्लबने पटकावला मानाचा राणादा चषक

राणादा प्रिमियर लीगच्या वतीने मोहोळ येथे घेण्यात आलेल्या क्रिकेट स्पर्धेच्या अंतिम सामन्यात येथील

सिद्ध नागेश क्रिकेट क्लबने बाजी मारत प्रथम क्रमाकांचे ३० हजार २१० रुपयाचे बक्षीस व मानाचा राणादा चषक पटकावला.

येथील रवी डोकडे मित्र मंडळानी राणादा या प्रिमियर लीगचे आयोजन केले होते. या प्रिमियर लीग मध्ये दहा संघांनी सहभाग घेतला होता .

त्यामधील अंतिम सामना नीलेश लोंढे फिरोज शेख विरुद्ध सिद्ध नागेश क्रिकेट क्लब मोहोळ यामध्ये झाला. यामध्ये सिद्ध नागेश क्रिकेट क्लबने बाजी मारत प्रथम क्रमाकांचे ३० हजार २१० रुपयाचे बक्षीस व मानाचा राणादा चषक पटकावला.याचा पारितोषिक वितरण समारंभ माजी उपसभापती शहाजान शेख , उपनगराध्यक्ष प्रमोद डोके ,

मोहोळ नागरी पतसंस्थेचे संचालक नागनाथ सोनवणे, भारत डोकडे यांच्या हस्ते करण्यात आला.

यावेळी माजी नगरसेवक मुस्ताक शेख, नागेश महामुरे, प्रशांत पवार, राजू सुतार, ईलियास शेख,जावेद बागवान, रोहित फडतरे, बंडू देसाई, राजू चवरे, मुन्नाभाई बागवान, जयवंत गुंड, संतोष सोलंनकर, सागर बोराडे, मोहन काकडे आदी मान्यवर उपस्थित होते. (वा. प्र.)

फोटो- १मोहोळ-स्पोर्ट

प्रथम क्रमांक पटकाविणाऱ्या

सिद्ध नागेश क्रिकेट क्लबचे खेळाडू.

---