कार अपघातात सोलापूर जिल्हा परिषदेचे सीईओ राजेंद्र भारूड बालंबाल बचावले

आषाढीच्या पार्श्वभूमीवर पुणे येथे आयोजित केलेल्या बैठकीसाठी जात असताना कुरकुंभ जवळ झाला अपघात

ठळक मुद्देआषाढीच्या बैठकीसाठी पुणे येथे विभागीय आणि बोलवली होती बैठकअपघातानंतर सीईओ भारूड यांनी पर्यायी गाडीने गाठले पुणे

सोलापूर : सोलापूर जिल्हा परिषदेचे मुख्य कार्यकारी अधिकारी  डॉक्टर राजेंद्र भारूड  यांच्या गाडीला  ट्रकने धडक दिल्यामुळे अपघात झाला. या अपघातातून  डॉ. भारुड  बालबाल बचावले असून  हा अपघात सोलापूर - पुणे महामार्गावरील कुरकुंभ येथे झाला आहे.

सोलापूर जिल्हा परिषदेचे मुख्य कार्यकारी अधिकारी राजेंद्र भारूड हे शासकीय कामासाठी सकाळी पुण्याकडे आपल्या टाटा सफारी कारमधून निघाले होते, कुरकुंभजवळ आलेल्या ट्रकने त्यांच्या कारला धडक दिली, यात गाडीचे मोठे नुकसान झाले.  कारचालक भीमाशंकर कोळी, डॉ. राजेंद्र भारूड व सुरक्षा रक्षक कोळी यांना काहीही झाले नाही.

विभागीय आयुक्त दीपक म्हैसेकर यांनी आषाढी यात्रेसाठी आज बैठक बोलावली होती, त्या बैठकीला उपस्थित राहण्यासाठी भारुड निघाले होते. अपघातानंतर दुसऱ्या गाडीच्या व्यवस्थेनं ते पुण्याला रवाना झाले.