दक्षिण सोलापूर तालुका कोतवाल

लोकमत न्यूज नेटवर्क सोलापूर : दक्षिण सोलापूर तालुका कोतवाल संघटनेच्या अध्यक्षपदी धानय्या स्वामी, तर उपाध्यक्षपदी हमीद शेख यांची निवड करण्यात आली.

कोतवाल संघटनेचे जिल्हाध्यक्ष विठ्ठल गुरव, रशीद हरकारे व सरचिटणीस अनिल जाधव यांच्या उपस्थितीत दक्षिण सोलापूर तालुका कोतवाल संघटनेची नुकतीच बैठक झाली. या बैठकीत नूतन पदाधिकाऱ्यांच्या निवडी जाहीर करण्यात आल्या. प्रारंभी सुभाष शिंदे (मुस्ती), कृष्णा भाले (तोगराळी) आणि गुलाब शेख (हत्तूर) या सेवानिवृत्त कोतवालांचा सत्कार करण्यात आला. या बैठकीत महिला उपाध्यक्ष रेणुका कोळी, सरचिटणीस दत्ता कदम, कार्याध्यक्ष श्रीशैल हक्के, खजिनदार परमेश्वर बाईटपल्ली, संघटक भाऊ गायकवाड, प्रवक्ता पिंटू चव्हाण, मल्लिकार्जुन भुरळे प्रसिद्धी प्रमुख, सदस्य सचिन व्हनमाने, खंडू कुंभार, मल्लू कोळी, अप्पू कोळी, सिद्धू अर्जुने, अनिल कोकरे यांची निवड करण्यात आली. निवडीनंतर नूतन पदाधिकाऱ्यांचा सत्कार करण्यात आला. दरम्यान, कोतवाल बांधवांचे प्रश्न सोडविण्याबरोबरच शासन दरबारी प्रलंबित असलेल्या मागण्यांसाठी पाठपुरावा करणार असल्याची ग्वाही अध्यक्ष स्वामी यांनी निवडीप्रसंगी दिली.

-----

फोटो : १२ दक्षिण

दक्षिण सोलापूर तालुका कोतवाल संघटनेच्या अध्यक्षपदी निवड झाल्यानंतर धानय्या स्वामी यांचे स्वागत करताना विठ्ठल गुरव ,रशीद हरकारे, अनिल जाधव.