दामाजीनगरच्या सरपंचपदी सुवर्णा वडतिले

गेल्या काही दिवसांपासून येथील सरपंचपद रिक्त होते. यामुळे सरपंच निवड व्हावी यासाठी सदस्यांनी पाठपुरावा केला होता. सरपंचपद राखीव असल्याने व त्या पदाचा उमेदवार नसल्याने सदस्या महानंदा उगाडे यांनी राजीनामा दिला. त्याजागी घेतलेल्या निवडणुकीत सुवर्णा वडतिले निवडून आल्या होत्या. ग्रामपंचायत कार्यालयात सरपंचपदाची निवड जाहीर झाली. त्यावेळी सुवर्णा वडतिले यांचाच अर्ज आल्याने निवडणूक निर्णय अधिकारी इंगोले यांनी त्यांची सरपंच म्हणून निवड जाहीर केली.

निवडीनंतर ज्येष्ठ नेते बबनराव आवताडे, खरेदी-विक्री संघाचे चेअरमन सिद्धेश्वर आवताडे यांच्या हस्ते वडतिले यांचा सत्कार केला. यावेळी रामेश्वर मासाळ, भारत बेदरे, सुशील आवताडे, ॲड. दत्ता तोडकरी, संजय जगताप, सोपान चव्हाण, जमीर सुतार, बसवेश्वर माळी, दिलीप उगाडे, विशाल जाधव, तलाठी उमेश सूर्यवंशी, मंडल अधिकारी धनंजय इंगोले, ग्रामविकास अधिकारी गोरख जगताप, सदस्य गीतांजली जगताप, सलमा सुतार, महानंदा उगाडे आदी उपस्थित होते.

फोटो लाइन :

श्रीसंत दामाजीनगरच्या सरपंच सुवर्णा वडतिले यांच्या सत्काराप्रसंगी ज्येष्ठ नेते बबनराव आवताडे, सिद्धेश्वर आवताडे, रामेश्वर मासाळ, भारत बेदरे, सुशील आवताडे, ॲड. दत्ता तोडकरी आदी.