‘शोलापूर के शोले’साठी दाखविला टॅलेंट हंट

लोकमत, सोलापूर फिल्म इन्स्टिट्यूट, सेवन हेवन मुंबई, ई सोलापूर डॉट कॉमचा संयुक्त उपक्रम

सोलापूर : अल्पावधीत तयार होत असलेल्या बॉलीवूड चित्रपट ‘शोलापूर के शोले’साठी फिल्म आॅडिशन घेण्यात आली़ लोकमत, सोलापूर फिल्म इन्स्टिट्यूट (एसएफआय), सेवन हेवन मुंबई आणि ई सोलापूर डॉट कॉम यांच्या संयुक्त विद्यमाने आयोजित केलेल्या उपक्रमाला युवा कलाकारांचा अभूतपूर्व प्रतिसाद मिळाला़ शनिवारी हॉटेल प्रथम येथे पार पडलेल्या आॅडिशनमध्ये युवती, युवा कलावंतांनी सहभाग नोंदविला़ बॉलीवूड डायरेक्टर एजाज अहमद, बॉलीवूड कोरिओग्राफर खान, बॉलीवूड अ‍ॅक्टर गगन आणि पूजा शर्मा यांनी परीक्षकाचे काम पाहिले़ या चित्रपटासाठी अभिनय, नृत्य आणि गायन या कलागुणांची चांगली जाण असणार्‍या कलाकारांंची या आॅडिशनच्या माध्यमातून निवड करण्यात आली़ कलाकौशल्ये दडलेल्यांना बॉलीवूडचे व्यासपीठ मिळणार आहे़ या चित्रपटात बॉलीवूडचे दिग्गज कलावंत शक्ती कपूर, उपासना सिंग, मुश्ताक खान, असरानी व जगदीप यांच्यासोबत निवडलेल्या कलाकारांना काम करायला मिळणार आहे़ शिवाय हा चित्रपट व्हिडीओ सीडी नसून तो बॉलीवूड आणि बिग बजेटचा आहे़ संपूर्ण भारतातील चित्रपटगृहात झळकणार आहे.

------------

ग्रामीण कलाकार ! अलीकडे हिंदी आणि मराठी चित्रपटांत ग्रामीण भागातून आलेले कलाकार दिसतात़ त्यांच्यातील कसदार अभिनय, नृत्य, गायन शोधले जाते़ या आॅडिशनवेळी सोलापूर जिल्ह्यातून पंढरपूर, बार्शी, अकलूज, माळशिरस, मंगळवेढा या ग्रामीण भागातूनही कलाकारांची उपस्थिती दिसली़ तसेच नगर, लातूर, उस्मानाबाद, सांगली आणि कोल्हापूर या भोवतालच्याही जिल्ह्यांतून युवक आॅडिशनसाठी आले होते़