डयुटी जॉईन करण्यासाठी निघालेल्या टीसीचा सोलापूर रेल्वे स्थानकावर दुदैवी मृत्यू

सोलापूर रेल्वे स्थानकावरील घटना

सोलापूर : मस्टरवर सही करून ड्यूटी जॉईन करण्यासाठी रेल्वेत चढण्यापूर्वी हृदयविकाराच्या झटका आला अन् खाली कोसळले. त्यातच तिकीट निरीक्षकांचा दुर्दैवी मृत्यू झाल्याची धक्कादायक घटना मंगळवारी सकाळी अकराच्या सुमारास सोलापूररेल्वे स्थानकावर घडली.

एजाज अ. लतीफ सय्यद असे दुर्दैवी निधन झालेल्या तिकीट निरीक्षकाचे नाव आहे. याबाबत रेल्वे प्रशासनाने दिलेली माहिती अशी की, एजाज सय्यद हे सोमवारी नेहमीप्रमाणे सोलापूर रेल्वे स्थानकावर दाखल झाले. डयुटी जॉईन करण्यापुर्वी त्यांनी आपल्या सहकाऱ्यांशी संवाद साधला. बोलता बोलता मस्टरवर सही करून ड्यूटी जॉईन करण्यासाठी रेल्वेत चढण्यापूर्वी अचानक त्यांना त्रास जाणवू लागला. त्रास जाणवू लागताच रेल्वे कर्मचा-यांनी तत्काळ त्यांना खासगी रुग्णालयात उपचारासाठी दाखल केले. मात्र उपचारापूर्वीच त्यांचा मृत्यू झाल्याचे डॉक्टरांनी सांगितले.

एजाज सय्यद यांच्या पश्चात एक भाऊ, चार बहिणी, अविवाहित मुलगी, एक मुलगा असा परिवार आहे. रेल्वेचे निवृत्त कंट्रोलर मुजम्मील सय्यद यांचे ते लहान बंधू तर ज्येष्ठ पत्रकार अय्युब नल्लामंदू यांचे ते भाऊजी होत. त्यांच्यावर चिराग अली कब्रस्तान येथे अंत्यसंस्कार करण्यात आले.